Жаңғырту тақырыбында брифинг өтті

Новости

22.07.2016, 15:23

Жамбыл облысының өңірлік коммуникациялар қызметінің алаңында «Жамбыл темір жолының бүгінгі әлеуеті және логистикалық инфроқұрылымды жаңғырту» тақырыбында брифинг өтті. Бас қосуға «ҚТЖ – Жүк тасымалы» АҚ «ЖТ Жамбыл бөлімшесі» филиалы директорының бірінші орынбасары Үмітбек Рысбеков, Жамбыл магистральдық желі бөлімшесінің Бас инженері Жұмағали Урсаров және Жамбыл бөлімшесі кәсіподақ ұйымының төрағасы Нуридин Қожанов қатысып, Жамбыл бөлімшесінің ағымдағы жылдың І жартыжылдығындағы жұмысының қорытындысын айтып берді. Үмітбек Есмұратұлы бүгінгі күні ұлттық компанияда қосымша жүк ағымдарын тарту үшін Қазақстан аумағы бойынша жүктерді транзиттік тасымалдау саласында икемді тарифтік саясат іске асырылып, астық, қара металл, ағаш, көмір, өсімдік майын тасымалдауға қолайлы тарифтік жағдай жасалғандығын алға тартты. – Қазіргі таңда Қазақстанның транзиттік потенциалын арттыру және отандық экспортты шығару бойынша ірі инфрақұрылымды жобалар іске асырылуда. 2016 жылдың бірінші жартыжылдығында ҚР аумағы бойынша 704 контейнерлі пойыз,соның ішінде транзиттік қатынаста 679 пойыз жүріп өтті, яғни өткен жылдың осы мерзімімен салыстырғанда 13%-ға көбейіп отыр, транзиттен түскен кіріс үлесі жалпы кіріс көлемі де 35%-ға жетті. Жол бөлімшесінде және оның құрылымдық бөлімшелерінде 12 000 астам адам еңбек етеді, олар пойыздар қозғалысы қауіпсіздігін және жүк ағымы көлемін қамтамасыз етіп келеді. 2016 жылдың 6 айы ішінде Жамбыл бөлімшесі бойынша 16 көрсеткіштің ішінен жоспарға 1 көрсеткіш, 2015 жылмен салыстырғанда 2 көрсеткіш қана орындалмады. Бүгінгі күні Мойынты-Шу телімі бойынша ауырсалмақты пойыздарды өткізу үшін KZ8A сериялы локомотивтері пайдаланылды, бұл локомотивтерді пайдалану паркінің азаюына, олардың орташа тәуліктегі жүрісіне және олардың өнімділігінің артуына сеп болды. Сондай-ақ есеп беру аралығында жол бөлімшесі бойынша қозғалыс қауіпсіздігінің бұзылуының 12 оқиғасына жол берілген, 2015 жылы 20 оқиға орын алған, 8 оқиғаға немесе 40%-ға азайған. Бірінші жартыжылдықта жол берілген ақаулар саны бойынша жол бөлімшесі шыдамдылықтың төменгі деңгейінде екенін айта кету қажет, – деген Үмітбек Рысбеков жамбылдық теміржолшылардың ағымдағы жылдың екінші жартыжылдығында атқаратын міндеттеріне де тоқталып өтті. Оның айтуынша, «Толаскездер» беру кезінде транзиттік вагон ағымын өткізуді ұйымдастыруды бақылауды іске асыру жұмысы жалғасады. Түйіспелерден келетін ауырсалмақты жүк тиелген вагондар есебінен және вагон құрылымына сәйкес, вагондарға толық сыйымдылығына немесе трафаретті жүккөтергіштікке дейін жүк тиеу есебінен жол бөлімшесінде құрастырылатын ауыр салмақты пойыздарды көбейту жұмысы жанданбақ. «Мыңарал» стансасындағы «Жамбыл цемент өндіру компаниясы» ЖШС, Хантау стансасындағы «ACIG»АҚ және Жаңатас стансасындағы «Еврохим ОХК» ЖШС химиялық өндірісінің пайдалануға берілуіне байланысты жол бөлімшесінде жүк тиеу және жүк түсіру көлемі едәуір артты. Шу-Алматы-1 темір жол теліміндегі екінші жолдардың, Қаратау стансасындағы «ЕвроХим-Удобрения»ЖШС және «Talas Investment Company» ЖШС, «Тараз химия паркі»АҚ теміржол құрылымдарының, Балқаш ТЭС құрылысы аяқталғаннан кейін жол бөлімшесі бойынша жүк көлемі, жүк тиеу, жүк түсіру және жүк тасымалынан түсетін кіріс көлемі едәуір артады деп күтілуде, яғни тасымалдау қабілеті 3,2 мәртеге немесе 22 млн тоннадан 80 млн тоннаға артатын болады деген мәлімет берді Үмітбек Рысбеков.

Жаңғырту тақырыбында брифинг өтті

Читайте также

Газета «Қазақстан теміржолшысы», №56 от 05 июля 2024 года