Дамуға даңғыл жол салған Қорғас

Новости

02.08.2016, 17:59

2 мин чтения

IMG_5032 (1)

Ағымдағы жылдың 31-ші шілдесі күні «Қазақстан темір жолы» ҰК» АҚ басшысы Асқар Мамин Алматы облысы Панфилов ауданына іссапары кезінде «Қорғас–Шығыс қақпасы» АЭА мен «Қорғас» ХШЫО нысандарын аралап көрді.

Бүгінгі таңда Құрғақ порттың бірінші кезектегі нысандары толықтай салынып біткен. Жасалған инфрақұрылым оны пайдалануға беруге кірісуге мүмкіндік туғызды. АЭА Құрғақ порты болашақта тұтынушыларға жүк жеткізу есебімен осы кезден-ақ логистикалық және мультимодальды операцияларды жүзеге асыруда. Жыл басынан бері мұнда 15 мыңнан астам контейнер өңделген, 2016 жылдың соңына дейін 100 мыңнан аса бөлшектік факторлық эксперимент - БФЭ өңдеу жоспарланып отыр. Халықаралық шекаралық ынтымақтастық орталығының инфрақұрылымы нысандарының құрылысы құрылыстың 2015 жылы түзетілген Бас жоспарына сәйкес жүзеге асырылуда. Бүгінгі күнге 56 инвестициялық нысанның жалпы сомасы 270 млрд-тан жоғары теңгені құраған 33 нысаны инвесторлар арасында өзара бөлісілген. ХШЫО-ның қазақстандық бөлігінде осы жылы шілде айының басында бастапқы екі сауда үйімен қосқанда «Самұрық» Орталық алаңы ашылды. Нұркент теміржолшылар ауылында қазақстандық құрылысшылар АЭА басқарушы компаниясы үшін 192 пәтерлі 2 шағын отбасылар жатақханасы мен бюджеттік сала қызметкерлері үшін 60 пәтерлі 2 тұрғын үй салуда. Компания басшысы сонымен қатар ауылға қауіпті Қорғас өзені арнасына жақын орналасқан АЭА және ХШЫО нысандарының қауіпсіздігін қамтамасыз ету жағдайымен танысты. Қауіпті сейілту үшін қорғаныс және жағалауды бекітетін құралдарды тұрғызу қажет. Орталықты аралау барысында А. Мамин инвестициялық нысан құрылысының белгісіндей – жалпы ауданы 24 мыңнан астам шаршы метрлік қонақүй кешенінің естелік капсуласының іргесін қалау рәсіміне қатысты. Шараға сонымен қатар Алматы облысы әкімінің орынбасары Серік Тұрдалиев, «Қорғас» ХШЫО АО президенті Василий Ни, «TZhS Development Group» ЖШС-нің бас директоры Шу Цзисян де қатысты. Асқар Ұзақбайұлының айтуынша, ХШЫО-ның қазақстандық бөлігінде тек отандық тауар өндірушілердің ғана емес, сонымен бірге Ресей, Беларусь, Қырғызстан, Армения секілді ЕАЭО елдерінің де саудасын белсенді дамытуға барлық жағдай жасалған. Дәл қазіргі таңда ХШЫО-ға келушілер қатары айтарлықтай артқаны байқалып отыр. 2013 жылы мұнда 650 мың адам келген болса, 2015 жылы 2,5 млн-ға жуық адам, ал осы жылдың алғашқы жартыжылдығында бір жарым млн-ға жуық адам келген. Сауда павильондарын аралау кезінде қазақстандық делегация мүшелері символикалық сауда-саттық жасады.

Дамуға даңғыл жол салған Қорғас

Читайте также

Сейчас читают