Өндірісте өткен дәріс

Новости

03.04.2018, 14:27

Семей ЖТ бөлімшесіне қарасты ПЧ-39 мекемесінде жергілікті Электротехникалық колледж студенттеріне арналып дәріс өткізілді. Болашақ теміржолшылар үшін баты тақырып – теміржолдың ең маңызды жол шаруашылығымен танысып, қозғалыс қауіпсіздігін көкейге түю болды. Шәкірттерді байырғы теміржолшы, бөлімшенің бас инженері қызметін атқарған, бүгінде колледж тәлімгері Айтқазы Махадиев бастап әкелді. Әуелгі кезекте жастар техникалық дәрісханада танымдық бейнефильм арқылы еңбекті қорғау тақырыбымен кеңінен танысып, станция басындағы қауіпсіздік шараларына қанықты. Сонымен қатар, пойыз құрастырушыларының атқаратын қызметі мен жұмыс барысында жиі жіберетін қателіктері жайлы да мағлұматтарға қанықты. Сондай-ақ, мекемедегі диспетчерлік орталықта болып, күнделікті жұмыс ырғағына қанықты. Қызықтырған сауалдарын қойды. Осыдан соң Семей жол дистанциясының сынақ алаңына шығып, келесі дәріске көшті. Бұл ретте теміржолдағы бағыттамалы бұрмалар құрылымы мен жиі орын алатын 8 ақаулық туралы өндірістік оқыту шебері Әбуғали Байғалиев кеңінен түсіндіріп берді. Дәріс барысында жолшылар мен қозғалысшылар арасындағы қызметтік байланыс, жалпы теміржолшылар жауапкершілігі жайлы да сөз болды. Сонымен қатар, студенттер де рельс бөлшектері, жол бөліктері жайында колледж қабырғасындағы сабақ барысында өтілген тақырыптарды естеріне түсіріп, «үй тапсырмаларын» да айтып берді. Кітаптан оқу бір бөлек, жұмыс орнында болып, үдеріс барысымен танысу басқаша. Болашақ теміржолшылар аталмыш сала қызметкерлерінің жұмысына ерекше қызығушылық танытатындықтарын байқатты.

Өндірісте өткен дәріс

Читайте также

Газета «Қазақстан теміржолшысы», №61 от 26 июля 2024 года