Қызметтік күйзеліспен күресуде

Новости

12.08.2016, 16:54

2 мин чтения

Қызметкерлердің денсаулығын сақтау – темір жолда бірінші кезекте тұрған мәселе. Соңғы жылдары ұлттық компанияға қарасты мекемелердің күнделікті жұмыс тәртібіне бұл бағытта елеулі жаңашылдықтар да ене бастады. Осындай ілкімді шаралар «Вокзал-сервис» АҚ филиалдарында да орын алуда. Атап айтқанда, Аягөз вокзалының қызметкерлері арасында күйзеліске және стресске жол бермеу мақсатында спорттық һәм сауықтыру іс-шараларын ұйымдастыру күн тәртібіне енгізіліпті. Әлия Балабекова жетекшілік ететін аягөздік ұжым шағын болғанымен атқаратын істері қомақты. Оның үстіне теміржолшылар еңбегі қызметтік стресске толы болғандықтан да көңіл күйдің орнықтылығына және спорттық жаттығуларды орындауға ерекше мән беріледі. Қазіргі таңда Аягөз вокзалында 16 адам еңбек етуде. Жолаушыларға көрсетілетін сервистік қызметтің артуымен қатар, қызметкерлердің әлеуметтік һәм моральдық тұрғыдағы ахуалының жақсаруы бағытында ұжым мүшелері жұмыс барысында гимнастикалық жаттығулар жасап, тынығуды да ұмытпайды. Бұл мекемедегі еңбек қауіпсіздігін сақтаудың басты талаптарының бірі. Сонымен қатар, жоспарлы жұмыстар аясында теміржолшылардың табиғат аясына демалуға шығып, мәдени мекемелерге экскурсия жасауы да енгізілген. Ал мұның сыртында спорттық шаралар мен сайыстар да бар. – Әрбір теміржолшы еңбектерінің өнімді болуын қалайтын болса, демалысын да дұрыс ұйымдастыра білуі тиіс. Ауысыммен жұмыс істейтіндіктен әрі стресстік жағдайларға жиі жолығатындықтан біздің қызмет психикаға түсетін жүктемеден арылып тұруды талап етеді. Сол себептен де, күнтізбелік жоспарға сай қызметкерлерімізді тынықтырып, демалдырып тұруға ерекше мән береміз, – дейді вокзал басшысының міндетін атқарушы Жанар Көкебаева.

Қызметтік күйзеліспен күресуде

Читайте также

Газета Қазақстан теміржолшысы, №81 от 13 октября 2026 года

Сейчас читают