Кәсіпкерлер зауытта болды
Алматы қаласы әкімінің орынбасары Ерлан Аукенов жетекшілік еткен бір топ кәсіпкерлер Ақтөбе облысындағы нысандарды аралап, рельс-арқалық зауытының жұмысымен де танысты. Меймандар Ақтөбе облысындағы өнеркәсіп және өндіріс орындарымен келіссөздер жүргізіп, аймақаралық кооперация аясында бірлесіп жұмыс істеуді көздесе керек. Іскер азаматтар облыстағы тамақ өндірісі, құрылыс материалдары, сауда желілері басшыларымен кездесіп, пікір алмасып, іскерлік байланыстар орната бастады. Сапар аясында қонақтарды облыс әкімі Бердібек Сапарбаев қабылдады. Кездесу барысында өңір басшысы аймақтың логистикалық тұрғыда тиімді жерде орналасқанын айта келе, көлік инфрақұрылымының, соның ішінде темір жол көлігі саласында қолға алынып жатқан үлкен жобаларды, атқарылып жатқан жұмыстарды тізбелеп шықты.
Асқар Ақтілеу, Ақтөбе