Қариялы ел - қазыналы ел
Шараға Ақтөбе жүк тасымалы бөлімшесінің директоры Мағауия Оразқұлов бастаған теміржолшылар қатысып, қарттарға құрмет көрсетті. Ұлттық компания жанындағы консультативтік кеңестің мүшелері Марс Ким мен Павел Синица жас әріптестеріне замандастарына алғыс білдіріп, қазіргі темір жол саласындағы жетістіктер сөз етті. –Соңғы жылдары ұлттық компанияда бірнеше жоба қолға алынды. Олар ел экономикасы үшін, болат жол саласы үшін маңызы үлкен жобалар. Зауыттар салынып жатыр, орталықтар бой көтеруде. Отандық тепловоздар мен вагондар жолға шығып, халыққа қызмет көрсетуде. Бұл бізге мақтаныш емес пе?! - дейді Марс Ким. Бағдарламада мерекелік концерт қарастырылған, сондай-ақ ардагерлерге сый-сияпат жасалды. Сонымен қатар, кәсіподақ комитеті мен кадрлар бөлімінің жетекшілері жасы тоқсаннан асқан қариялардың үйлерін жағалап, гүл шоқтары мен сыйлық салынған пакеттерін таратып шықты. Алпыс жыл разъезд бастығы болған Әуезхан Боранбаев пен қиын кездерде тылда еңбек еткен Дәметкен Әлмұратовалар осынау күнде өздерін ұмытпай іздеп барып, құрмет көрсеткен кейінгі буын ізбасарларына ақ баталарын беріп, сала жұмысына сәттіліктер тіледі.
Асқар Ақтілеу, Ақтөбе