Электромеханик - үздік өнертапқыш

Регионы

25.10.2016, 12:36

Жамбыл бөлімшесінің мәжіліс залында жылдың үздік өнертапқыштарына құрмет көрсеткен жиын өтті. «ҚТЖ» ҰК» АҚ Ғылыми-техникалық ақпарат және талдау орталығының директоры Қанат Сүйіндіков бүгінгі күні ұлттық компанияда зияткерлік меншік жүйесін қорғауға баса көңіл бөлініп отырғанына тоқталды. Рационализаторлықты қолдау, дамыту бойынша атқарылып жатқан жұмыстарды баяндаған Қанат Әнуарбекұлы бұған дейін аймақтағы теміржолшыларға «Үздік рационализатор» төсбелгісі конференцияларда беріліп келсе, соңғы екі жыл көлемінде еліміздегі қаржылық жағдайға байланысты өңірлерге барып беріледі екен. – Дегенмен, алдағы жылы конференция өткізу ойымызда бар. Өздеріңізге белгілі ұлттық компанияда рационализаторлық жұмыстар бекітілген нормативтік құжаттар негізінде жүзеге асады. Соңғы кездері бұл жұмыстарға да елеулі өзгерістер енгізіп отырмыз. Бұған дейінгі конференцияларда «Үздік рационализатор» байқауында І, ІІ, ІІІ орындар бір ғана аталыммен аталып келген-ді. Ендігі жерде темір жол мекемелерінің әр шаруашылығы бойынша бөлек аталымдар аталады. Мысалы, жол шаруашылығы, электрмен жабдықтау шаруашылығы, байланыс және сигнал беру шаруашылығы, т.б. Ал рационализаторлық идеялардың насихатталуы жөнінде салалық «Қазақстан теміржолшысы» газетінде көптеген мақалалар жарияланды. Сондай-ақ, «Үздік рационализатор» KZ сайты да тұрақты түрде жұмыс жасап тұр. Өткен жылы «Үздік рационализатор» төсбелгісімен 36 адам марапатталса, ағымдағы жылы 28 теміржолшы осы марапатқа ие болады. Яғни, бұл атаққа ие болғандар жылына бес рет рационализаторлық ұсыныс жасаған мамандар. Әрине, олардың жұмыстарының барлығы іріктеліп, қаралды. Жұмыстарының экономикалық үнемділігі ескерілді. Мысалы, өткен жылдың қорытындысында 1299 теміржолшы рационализаторлық ұсыныс жасаған. Яғни, белсенділік басым. Ал ағымдағы жылдың өткен тоғыз айында 986 теміржолшы ұсыныс жасаған. Жыл соңына дейін тағы артатынына сенімдімін, – деген орталық басшысының мәліметіне сәйкес, Жамбыл өңірінде: ШЧ-35, ШЧ-36, ЭЧ-22, ЭЧ-23, УПЧ-48, УПЧ-51, РСП-2, Жамбыл локомотив пайдалану депосы өндіріске тиімді жаңалықтар енгізіп отырған белсенді өнертапқыштарымен танылған мекемелер қатарынан екен. Бүгінгі күні ҒАжТ орталығының мамандары зияткерлік меншікті қорғау жүйесі бойынша тәртібін және әдістемелік жаднамалар дайындап отыр екен. - Рационализаторлық ұсыныс – зияткерлік меншік нысаны болып табылады. Сондықтан оны қорғауда патент алған жөн. Патент – мемлекеттен қорғалады, – деді Қанат Сүйіндіков. Орталықтың шешімімен Жамбыл байланыс және сигнал беру дистанциясының электромеханигі Талғат Инсапов «Үздік рационализатор» атағын жеңіп алғаны хабарланып, Жамбыл бөлімшесінің директоры Берік Ақшалов үздік өнертапқышқа төсбелгісін табыс етіп, құттықтады. Бұдан соң жиналған көпшілікке рационализаторлықты дамыту жолдары түсіндірілген бейнефильм ұсынылды.

Электромеханик - үздік өнертапқыш

Читайте также