Өткен ақпанда 25 млн тоннадан астам жүк тасымалданған
«Қазақстан теміржолшысы» газетінің тілшісі
Ағымдағы жылдың ақпан айында «ҚТЖ» ҰК» АҚ желісі бойынша жүк тасымалдау көлемі 20,6 млн тоннаны құрады, бұл өткен жылдың сәйкес кезеңіндегі көрсеткіштен 8%-ға артық болып отыр.
Осы ретте, республикаішілік тасымалдың 5 пайызға артып, 13,2 миллион тоннаны, ал экспорт көрсеткішінің өткен жылмен салыстырғанда 14 пайызға өсіп, 7,4 миллион тоннаны құрағанын көреміз. Қолдағы деректер, бір ғана ақпан айының өзінде 9,4 млн тонна тас көмірдің тиеліп, бұл көрсеткіш өткен жылдың есепті мерзімімен салыстырғанда 13% өскенін айқындай түседі. Соның ішінде, ел ішіне таратылғаны 6,5 млн тонна екен. Ақпанда астық тиелімінің де 29% артып, 881 мың тоннаны құрағаны белгілі болып отыр. Әсіресе, сыртқа шығарылған астық көлемі былтырғыға қарағанда 50% өскен.
Ақпан айында химиялық тыңайтқыштарды тасымалдау 5%-ға немесе 303 млн тоннаға дейін, мұнай жүктерін тасымалдау 3%-ға немесе 1,4 млн тоннаға дейін өскен. Сонымен қатар 1,7 миллион тонна түсті руда, 355 мың тонна қара металл, 710 мың тонна құрылыс материалдары, 1,8 миллион тонна темір және марганец рудалары тиеліпті.