«Бекет Ата» жүк кемесі жолға шықты
Транскаспий халықаралық көлік бағдарын (ТХКБ) дамыту үшін Ақтау портында «Бекет ата» фидерлік кемесіне тесттік тиеу жұмыстары жүргізілді. Кеме бортында 210 контейнермен жолға шықты.
Оның ішінде 50 контейнерді мыс тиелген жиырма футтық контейнер құраса, 58 контейнерге қорғасын тиелген және 10 контейнер мырыш тиелген жиырма футтық контейнер. Тағы 92 жиырма футтық контейнерге томат пастасы жүктеліпті. Жүк Баку халықаралық Говсан сауда порты арқылы Грузияның Поти портына дейін, одан әрі жүктің бір бөлігі Түркияның Дериндже портына дейін жеткізілмек. Еске сала кетсек, жақында Ақтау портына «Арселор Миттал Теміртау» АҚ бас директоры Бижу Наир аталған порт арқылы металл өнімдерін ауыстырып тиеуге оның дайындығын зерттеу мақсатында келген болатын. Қазіргі кезде Ресей Федерациясына салынған эконо- микалық санкциялар кәсіпорындардың өз өнімдерін өзге өткізу нарықтарына қайта бағдарлау мүмкіндігін зерттеуді, яғни біріншісі, Ақтау – Баку – Поти/Батуми – Қара теңіз бағыты арқылы Еуропаға, екіншісі, Иран арқылы транзитпен Біріккен Араб Әмірлігіне, Пәкістанға шығуды қарастыруды қажет етіп отыр. Компания айына 150-180 мың тоннаға дейін металл жөнелтуді жоспарлап отыр. Алайда, бұл көлем Ақтау және Құрық порттары арасында бөлінбек.