5 айда ішкі нарық үшін 70 млн тонна жүк тиелген
«Қазақстан теміржолшысы» газетінің тілшісі
Үстіміздегі жылдың бес айында «ҚТЖ» ҰК» АҚ желісі бойынша 106 млн тонна жүк тиелді. Соның 70 млн тоннасы республика ішіне тиеліп, өткен жылмен салыстырғанда көрсеткіш 4% ұлғайса, сырт елдерге 36,5 млн тонна жүк жөнелтілген, деп хабарлайды Rail-news.kz.
Осы ретте, тас көмірді тасымалдауда оң динамика байқалып отыр. Мәселен, 5 айда 46,1 млн тонна көмір тасымалданып, бұл өткен жылдың деңгейінен 5%-ға жоғары болып отыр. Оның 31,7 млн тоннасы ел ішіне таратылса, қалған 14,4 миллионы экспортталып, өсім 21%-ды құраған. Астық тасымалдау көлемі 3,9 млн тонна деңгейінде. Экспорт 5%-ға немесе 3,1 млн тоннаға дейін ұлғайған.
Осы жылдың бес айында химиялық тыңайтқыштар тасымалы 9%-ға (шамамен 1,7 млн тонна), мұнай жүктері 5%-ға ( 7,4 млн тоннаға дейін) өскен. Темір және марганец кендерін тиеу 9,3 млн тоннаны, түсті кенді тиеу – 9,1 млн тоннаны, құрылыс жүктерін тиеу 5,2 млн тоннаны құраған.