Автомобиль бөлшектері Қазақстан – Түрікменстан – Иран теміржол бағыты бойынша жеткізіледі
Джинган солтүстік-шығыс станциясынан (Далянь қ., ҚХР) Қазақстан – Түрікменстан – Иран бағыты бойынша автомобиль бөлшектері бар контейнерлік пойыз жөнелтілді. Пойыз құрамында 50 қырық футтық контейнер бар, деп хабарлайды Rail-news.kz.
Пойыз Қазақстан аумағы арқылы Алтынкөл және Болашақ шекаралық өткелдері, одан әрі иран-түрікмен шекарасындағы Инчебурун станциясы арқылы межелі пункт – Джольф (Иран) станциясына дейін жүреді.
Қытай – Қазақстан – Түркіменстан – Иран теміржол маршруты бойынша жүк тасымалдау теңіз жолымен салыстырғанда айтарлықтай жылдам. Контейнерлерді жеткізу мерзімі екі есе қысқарды. Бұдан басқа, жүру жолында ауыстырып тиеудің болмауы жүктерді аса ұқыпты жеткізуге кепілдік береді.
Қазақстан, Түрікменстан және Иран аумағы бойынша қызметтердің толық кешенін KTZ Express мультимодальді операторы ұсынды.