Алтынкөл – Қорғас шекара өткелі арқылы жүк тасымалдау көлемі 30% өсті
2023 жылдың жеті айында Алтынкөл – Қорғас шекара өткелі арқылы 7 млн тоннадан астам жүк тасымалданды, бұл өткен жылдың сәйкес кезеңімен салыстырғанда 30% жоғары, деп хабарлайды Rail-news.kz.
Экспорттық қатынаста жүк тасымалдау көлемі 24%, яғни 1,9 млн тоннаға дейін өсті. Алтынкөл станциясы арқылы ҚХР-дан халық тұтынатын тауарлар, металдар, химикаттар, машина жабдықтары, құрылыс материалдары және басқалар келіп түсуде.
Жалпы, Алтынкөл – Қорғас пен Достық – Алашаңқай түйісулерден елдер арасындағы темір жол көлігімен тасымалдау көлемі 16,2 млн тоннаны құраса, бұл өткен жылдың сәйкес кезеңімен салыстырғанда 23% артық.
Екі елдің шекара маңы станциялары ұжымдарының бірлескен шаралары мен үйлесімді жұмысы Қытаймен шекара өткелдері арқылы теміржол көлігімен жүк тасымалдау көлемін ұлғайтуға ықпал етеді.
Алтынкөл теміржол станциясы Алматы облысында қазақстан-қытай шекарасында орналасқан. Осы жерден Қытайдан Еуропаға, Парсы шығанағы еліне, Орталық Азияға, Кавказға жүк ағыны өтеді.
Алтынкөл – Достық станциясынан кейінгі екінші қазақстан-қытай теміржол өткелі. Мұнда жүк және контейнерлік пойыздарды қабылдау және жөнелту жүзеге асырылады.