ҚТЖ темір жол көлігімен 63 млн тонна экспорттық жүкті тасымалдады

2023 жылғы 9 айдың қорытындысы бойынша темір жол көлігімен экспорттық тасымалдар 2022 жылдың ұқсас кезеңімен салыстырғанда 7,4% ұлғайып, 63 млн тоннаны құрады. Мұнай (2,8 есе), астық (+40%), темір кені (+28%), химиялық заттар (+25%), тыңайтқыштар (+17%) және түсті кен (+14%) тасымалы оң динамиканы көрсетті.

Экспорттық қатынаста осы жүк түрлерін тасымалдау динамикасына алушы елдердің экономикалық, әлеуметтік және демографиялық жағдайы негізгі әсер етуде.

Қазақстандық жүктерді алушы елдердің көшбасшыларының қатарына Қытай мен Өзбекстан кірді.  Қаңтар-қыркүйек айларында ҚХР - ға/арқылы көмір экспорты 4,4 есе, астық - 3,7 есе, химиялық заттар мен сода 38 есе өсті. Сондай-ақ темір кені экспорты 15%, түсті металдар 30%, мұнай өнімдері 28% және түсті кен 20% ұлғайып отыр.

Өзбекстан- ға/арқылы астықты экспорттық тасымалдау көлемі 27%, қара металдар мен мұнай өнімдері - 18%, химиялық және минералды тыңайтқыштар - 57%, мұнай-78% және құрылыс жүктері 36% артты.  Сарыағаш түйісу пункті арқылы көмір жөнелту 2,1 есеге көбейді.