ҚТЖ әлеуметтік маңызы бар азық-түлік тауарларын тасымалдаудың тәуліктік мониторингін жүргізеді
Күн сайын «ҚТЖ-Жүк тасымалы» ЖШС ҚР Үкіметінің тапсырмасы бойынша ел ішінде әлеуметтік маңызы бар азық-түлік тауарларын (астық, ұнтақ өнімдері, қант, май, көкөністер және т.б.) жеткізуді жедел реттеу үшін селекторлық кеңестер өткізеді.
Кездесулер мүдделі мемлекеттік органдар, әкімдіктер өкілдерінің, өңірлердің ұн тартушы операторларының қатысуымен өтеді.
«ҚТЖ-Жүк тасымалы» ЖШС әлеуметтік маңызы бар жүктерді үздіксіз тасымалдау үшін барлық қажетті шараларды қабылдайды. Ағымдағы жылдың қазан айына жөнелтушілердің республика ішінде жүктерді тасымалдауға барлық өтінімдері 100% келісілді. Бос вагондарды тиеуді қамтамасыз ету ерекше бақылауға алынды.
Қазіргі уақытта келісімшарт бойынша 8,8 мың тонна әлеуметтік бидай жөнелтілді. Жүк жөнелтушілерден теміржол көлігімен тасымалдаудыңқалған көлеміне өтінімдер түскен жоқ.
Ұлттық жүк тасымалдаушы тиімді тасымалдауды ұйымдастыру үшін тасымалдау процесінің барлық қатысушыларының бірлескен өзара іс-қимылы мен тығыз ынтымақтастығы талап етілетінін еске салды.
Селекторлық кеңестер барысында жүк жөнелтушілер жұмыста оң нәтижелерге қол жеткізу үшін өз ұсыныстарын айтады.