ҚТЖ-да мұнай және тау-кен секторларының жүк жөнелтушілерімен кездесу өтті
«ҚТЖ-Жүк тасымалы» ЖШС басшылығы ел экономикасының мұнай және тау-кен секторларының жүк жөнелтушілерімен бірқатар кездесулер өткізді.
Онлайн-кеңестерге ERG, Қазақмыс, ҚазАзот, KPI, ТШО, Батыс Транс Групп, «KAZ Minerals», «Asia FerroAlloys» ЖШС, Қазмырыш және басқа да компаниялардың өкілдері қатысты. Олардың үлесіне темір жол көлігімен тасымалданатын жүктердің жалпы көлемінің 80% астамы тиесілі. Өткен жылдан бастап, өткізу нарықтарының өзгеруіне байланысты компаниялар жүк ағындарының қайта бағдарлануына тап болды, сол кезде «ҚТЖ» ҰК» АҚ тасымалдауды жүзеге асыруға белсенді түрде жәрдем көрсетті.
Кездесуде тасымалдау процесін оңтайландыру, тасымалдау шарттарын келісу, пойыз жағдайына теріс әсер ететін вагондар жеке паркінің профициті және т.б. мәселелер талқыланды.
Кеңес барысында ағымдағы жылдың 11 айындағы тасымалдау қызметінің қорытындылары шығарылып, тасымалдарға қатысушылар іс-қимылдарының үйлесімділігі арқасында қол жеткізілген жүктерді тасымалдау көлемі өсуінде оң серпіні атап өтілді.
Кеңес қорытындысы бойынша 2023 жыл бойы ҚТЖ-мен өзара іс-қимылдың жоғары деңгейі атап өтілді, жүктерді тасымалдауға жәрдемдескені үшін жүк жөнелтушілер тарапынан оң пікір алынды. Ағымдағы жылдың қараша айында «Шұбаркөл Көмір» АҚ және Қарағанды жол бөлімшесімен бірлесіп көмір жөнелтудің рекордтық көрсеткішіне қол жеткізген Тасымалдарды басқарудың өңірлік орталығына ТБӨО-3 (Солтүстік) ерекше алғыс айтылды. Ал рейстік модельді енгізудің арқасында Нұра-Топар, Нұра-Балқаш, Нұра-Жаңаауыл көмір маршруттары және мыс рудасы - Мырза-Балқаш, Бірлік-Балқаш, Саяқ-Балқаш бағыттары бойынша вагондардың айналымы жақсарды.
Осындай кездесулер арқасында артық вагон паркін азайту, жүктерді тасымалдау жоспарларын орындау мәселелері жедел шешілуде, негізгі бағыттар бойынша желі жүктемелерін түсіру бойынша шешімдер қабылдануда.