ТХКБ – Ұлы Жібек жолының заманауи үлгісі

Жүк тасымалы
30.05.2024, 18:57
Нұрлыбек Досыбай

Түркістан облысы бойынша меншікті тілші

Шымкентте Транскаспий халықаралық көлік бағытын (бұдан әрі – ТХКБ) дамыту жөніндегі жұмыс тобының кезекті отырысы өтті. Қазақстан,  Әзірбайжан, Грузия және Түркия арқылы Қытай мен Еуропа арасында контейнерлік тасымал қызметін жандандыруды көздейтін алқалы жиынға жиырмаға жуық ТХКБ қауымдастығы өкілдері қатысты.

ТХКБ аясында құрылған жұмыс тобының жетекшісі И.Гусейнов жетекшілік еткен жиынның күн тәртібінде алты мәселе қаралып, жан-жақты талқыланды. Өз кезегінде «ҚТЖ» ҰК» АҚ басқарма төрағасының орынбасары Е.Қойшыбаев сөз сөйлеп, ТХКБ жобасын дамытуға мүдделілік танытқан тараптарға алғыс білдірді.

– Бүгінгі басқосуға біздің қауымдастықтың 8 тұрақты мүшесінің 7-уі қатысып отыр. Сондай-ақ, қауымдастыққа мүше 25 компанияның 20-ның өкілдері осында. Біз ТХКБ жобасы арқылы ертедегі Ұлы Жібек жолын заманауи «теміржол керуені» арқылы қайта жаңғыртуды көздейміз, – деді ол.

Күн тәртібіне шығарылған алғашқы мәселе бойынша арнайы баяндама жасаған қауымдастықтың бас хатшысы Гайдар Әбдікерімов ТХКБ бағытында орындалған жұмыстың жыл басынан бергі 4 айын қорытындылады. Ол өз сөзінде Қытайдан ТХКБ бағытымен жөнетілетін контейнерлік пойыздар саны  2024 жылдың алғашқы 4 айында 2023 жылдың 4 айымен салыстырғанда 9 есеге өскенін атап өтті.

Үшінші мәселе төңірегінде сөз алған «KTZ Express» АҚ логистика жөніндегі бас директор орынбасары Айбек Қапар жыл басынан бүгінге дейін шығыстан батысқа қарай 70-тен астам контейнерлік пойыз жөнетілгенін айтты. Нақтылай түссек, қаңтар айында – 10, ақпан мен наурыз айында – 9, сәуір айында – 16 және мамыр айының 30-на дейін 28 пойыз межелі жерге жеткен. Оның сыртында бүгін-ертең тағы 4 контейнерлік пойыз жолға шығуға дайын тұр.

– ТХКБ жобасының тиімділігін арттыру тариф пен сервистік қызметке және тез тасымалдауға тікелей байланысты. Бұл ретте әзірбайжандық әріптестермен қатар, түркиялық серіктестермен де кеңесе отырып, жұмысты ширата түсуіміз қажет, – деді ол.

Байқасаңыздар контейнерлік тасымал динамикасы уақыт өткен сайын жоғарылап келеді. Сала мамандары маусым айындағы көрсеткіш 40 пойыздан да асып түсуі мүмкін деп болжайды. Осы орайда, контейнерлік пойыздарды кедендік рәсімдеу мен сервистік қызметтің сапасын көтеру арқылы кедергісіз тасымалды үйлестіріп, жылдам жеткізуге басымдық бергеніміз жөн дейді.

Жалпы, басқосуда айтылған ұсыныс, пікірлердің барлығы да қауымдастықтың атқарушы органына келесі отырысқа дейін берілетін болды.  Сонымен қатар, бүгінгі жиын қорытындысына орай арнайы хаттама толтырылды және оған жауапты өкілдер тарапынан қол қойылды.

 

Жаңалықтар
14.10.2025
Қоғамдық тыңдау өтті
Цифрландыру
14.10.2025
Сандық жүйеге көшу – уақыт талабы
Инфрақұрылым
14.10.2025
«Бақты-Аягөз» құрылысы қарқын алды
Жаңалықтар
14.10.2025
Колледж оқытушылары ҚТЖ-да тағылымдамадан өтті
Аймақтар
14.10.2025
Семейлік теміржолшылар 5 мың түп көшет отырғызды
Аймақтар
14.10.2025
Экочеллендж жалғасып жатыр
Инфрақұрылым
14.10.2025
Жаңа жолдың тиімділігі неде?
Инфрақұрылым
14.10.2025
Түркістан өңірінде алты вокзалда ауқымды жұмыс жүріп жатыр
Жаңалықтар
14.10.2025
Мұражайға саяхат
Спорт
14.10.2025
Кәсіподақтар күніне орай теміржолшылар арасында боулингтен жарыс өтті
Қауіпсіздік
14.10.2025
Теміржолшылар мен құтқарушылар төтенше жағдайға дайындықтарын пысықтады
Әлеумет
14.10.2025
Теміржолшыға шұғыл көкмек қажет
Спорт
14.10.2025
Дәстүрлі турнир жалғасын тапты
Жаңалықтар / Мұрағат
14.10.2025
Қазақстан теміржолшысы газеті, №84-85 14 қазан 2025 жыл
Қауіпсіздік
13.10.2025
Темір жол қателікті кешірмейді
Жаңалықтар
13.10.2025
Бақты – Аягөз теміржол желісінің құрылысы талқыланды
Аймақтар
13.10.2025
Теміржолшылар кәсіподағына – 120 жыл: Жамбылда үздіктер марапатталды
Аймақтар
13.10.2025
Қисановтар әулеті – байқау жеңімпазы
Спорт
13.10.2025
Корттағы күш пен құлшыныс
Жүк тасымалы
13.10.2025
Қазақстан логистика арқылы экономиканы дамытуды көздеп отыр