Ақмола бөлімшесі қараша айында 148 мың тоннаға жуық астық тасымалдады
Қараша айының 10 күнінде Ақмола жүк тасымалы бөлімшесінің желісі бойынша 148 мың тоннаға жуық астық тасымалданды, деп хабарлайды Rail-news.kz.
Оның 70%-тен астам немесе 105,2 мың тоннасы Орталық Азия, Иран, ҚХР және Ауғанстан елдеріне экспортқа жөнелтілді. Шамамен 30%-і - еліміздің оңтүстік аймақтарына. Барлығы 37 жеделдетілген астық маршруттық пойыз құрылып, жөнелтілді.
Астық жүктерін тасымалдау ҚТЖ-ның ерекше бақылауында. Жүк жөнелтушілердің бос вагондарға деген барлық өтінімдері толық көлемде қамтамасыз етілді. Бөлімшеде жедел астық топтарының тәулік бойы жұмысы ұйымдастырылды. ҚТЖ жедел штабының отырыстары күн сайын барлық қатысушы және жергілікті атқарушы органдармен өткізіледі, онда жүк жөнелтушілер мен алушылардың астығын тиеп жөнелту жөніндегі мәселелерді жедел тәртіппен шешеді.