Қарашада ҚТЖ желісі бойынша 1 млн тоннадан астам астық жөнелтілді
Қараша айының 26 күнінде ҚТЖ желісі бойынша 1 млн тоннадан астам астық жөнелтілді, бұл 2023 жылдың сәйкес кезеңімен салыстырғанда 56% артық, деп хабарлайды Rail-news.kz.
Жалпы көлемнің 259 мың тоннасы ішкі нарыққа, 750 мың тоннасы экспортқа жөнелтілді. Ел бойынша тасымалдау көлемі өткен жылмен салыстырғанда 27%, экспорт 69% ұлғайды.
Қарашаның соңғы аптасында жүк жөнелтушілер дәстүрлі түрде биылғы астықты жөнелтуді күшейтеді. Қараша айының қорытындысы бойынша тиеу көлемінің едәуір ұлғаюы күтілуде. Айдың соңына қарай 1,3 млн тонна астық жөнелтіледі деп болжануда, бұл өткен жылмен салыстырғанда 41% артық. Осы көлемнің 900 мың тоннадан астамы экспортқа бағытталатын болады, бұл 2023 жылғы көрсеткіштерден 35% артық. Әсіресе Орталық Азия елдеріне жеткізуде айтарлықтай өсім байқалды — 516 мың тонна (+27%), Ауғанстанға — 66 мың тонна (+62%), сондай — ақ Ақтау порты арқылы Иранға 81 мың тонна жеткізілсе, бұл өткен жыл деңгейінен он есеге көп. Сонымен қатар, Ресейге тасымалдау алты есеге артып, 135 мың тоннаны құрады, оның ішінде Ресей порттары мен Балтық порттары арқылы 45 мың тонна, сондай — ақ Әзірбайжан нарығына 68 мың тонна, 2023 жылдың қарашасында бұнда жөнелтілімдер болған жоқ.
Қазақстанның ішкі нарығында астық тасымалдау көлемі шамамен 350 мың тоннаны құрайды, бұл өткен жылмен салыстырғанда 38% артық. Бұл ҚР Үкіметінің тапсырмаларына сәйкес элеваторларды босату үшін астықты ел ішінде орнын ауыстыру қажеттілігіне байланысты.
Бүгінгі таңда астық тасымалдаушылар паркінде 12 616 бірлік бар және жөнелтушілердің барлық өтінімдері толық көлемде өңделуде. ҚТЖ жаңа егіннің астық жүктерін тасымалдауға ерекше бақылауды жүзеге асырады.