Жаңа сұрыптау жолдары Khorgos Gateway терминалының қуатын 48%-ға арттырды

KTZE – Khorgos Gateway құрғақ порты тоғыз 1520 мм калибрлі сұрыптау жолдарын және ағымды ағытып жөндеу базасын іске қосу арқылы жүктерді өңдеу қуатын арттырды, деп хабарлайды Rail-news.kz.

2025 жылдың қыркүйегінде енгізілген жаңа инфрақұрылым терминалдың тиеу қабілетін жылына 540 мыңнан 800 мың ДФЭ-ге (TEU) (эквивалентте бір 20 футтық контейнерге тең) немесе 48%-ға арттыруға мүмкіндік берді.

Жаңа жолдар пайдалануға берілгелі 9 айда онда 1 300-ге жуық вагон сақталды, 500-ден астам вагонға ағымды ағытып жөндеу жұмыстары жүргізілді және теміржол платформаларына 10 мыңнан астам автомобиль тиелді.

Сұрыптау жолдары әрқайсысының ұзындығы 57 шартты вагонға дейін жететін тоғыз теміржол құрамын бір уақытта қабылдауға мүмкіндік береді. Бұл вагондарды бағыттар бойынша жинақтауды және сұрыптауды, сондай-ақ магистральдық желі инфрақұрылымын босатуды күтпей контейнерлік пойыздарды қалыптастыруды жеделдетеді.

Жаңа инфрақұрылым сонымен қатар жылжымалы құрамның тоқтап қалуын азайтады, вагон паркін пайдалану тиімділігін арттырады және бос вагондардың жинақталуын қамтамасыз етеді, бұл ең жоғары сұраныс кезеңінде бос вагондардың тапшылығы қаупін азайтуға мүмкіндік береді. 

Жобаны іске асыру Khorgos Gateway өндірістік мүмкіндіктерін нығайтты және Қытай-Қазақстан – Орталық Азия – Еуропа бағдарындағы негізгі көлік-логистикалық тораптардың бірінің өткізу қабілетін арттырды.