Мамырда ҚТЖ желісіндегі жалпы жүк тиелімі 21,8 миллион тоннаны құрады

Биылғы жылдың мамыр айында «ҚТЖ» ҰК» АҚ желісіндегі жалпы жүк тиелімі 21,8 миллион тоннаны құрады, бұл өткен жылдың сәйкес кезеңімен салыстырғанда 6 пайызға артық. Атап айтқанда, 8,1 млн тонна көмір жөнелтілді. Бұл көрсеткіш өткен жылғы мамыр деңгейімен салыс- тырғанда 5 пайызға өсті. 744 мың тонна астық тасымалданды, өткен жылмен салыстырғанда өсім 17% құрады. Мамыр айында мұнай өнімдерін тасымалдау 3 пайызға (1,3 миллион тоннаға дейін), темір рудалары – 25 пайызға (2,5 миллион тоннаға) ұлғайды. 2 миллион тонна түсті кен, 458 мың тонна қара металл, 326 мың тонна химиялық және минералды тыңайт-қыштар, 1,6 миллион тонна құрылыс материалдары тиелді. Ал жалпы 2021 жылдың 5 айының қорытындысы бойынша «ҚТЖ» ҰК» АҚ желісі бойынша 104,7 млн тонна жүк тиелді. Өткен жылдың сәйкес кезеңімен салыстырғанда өңдеу 3,6% өсті. Соның ішінде республика бойынша 67,3 млн тонна жүк тасымалданды, бұл өткен жылмен салыстырғанда 2,1% артық. Экспорт 6,4% өсіп, 37,4 млн тоннаға жетті. Қаңтар-мамыр кезеңінде 43,7 млн тонна көмір тасымалданды, өткен жылдың сәйкес кезеңімен салыстырғанда өсім 3,3% құрады. Стратегиялық жүктің басым бөлігі – шамамен 32 млн тоннаға жуығы, бұл өткен жылғы деңгейден 11% жоғары, қазақстандық тұтынушыларға жеткізілді. 3,9 млн тонна астық тиеліп жөнелтілді, өткен жылмен салыс- тырғанда өсім 10,2% құрады.