Транзит – контейнерлік тасымалда
«Қазақстан теміржолшысы» газетінің тілшісі
Елордада «KTZ Express» акционерлік қоғамында Орта Азиядағы ең ірі көліктік-логистикалық компаниялардың бірі «Трансгрупп» өкілдерімен кездесу өтті, деп хабарлайды Rail-news.kz. Кездесу барысында бірнеше бағыттар бойынша, соның ішінде Қытай–Өзбекстан – Ауғанстан бағыты бойынша халықаралық контейнерлік тасымалды дамыту жөнінде мәселелер көтерілді. Сонымен қатар «KTZ Express» АҚ мен TRANSGROUP SYSTEMS OU арасында логистикалық тізбекті дамыту бойынша ынтымақтастықты тереңдетуге және трансконтиненталды контейнерлік тасымалды дамытуды көздейтін ынтымақтастық туралы Меморандумға қол қойылды. Аталған келісім Қытай – Орталық Азия – Қытай бағыты бойынша көліктік қызмет көрсету сапасын жақсарту жөніндегі ынтымақтастыққа бағытталған. Тараптардың айтуынша, KTZ Express пен Трансгрупп ынтымақтастығы – Орталық Азия елдеріне бағытталатын транзиттік тасымалды дамытуда жақсы нәтиже беріп келе жатқан, жолға қойылған механизм. Оның үстіне, бүкіл әлем бүгінде транзиттің контейнерлік тасымалына көшкен уақытта бұл өте тиімді жоба болмақ.