Теміржол көлігін цифрландыру мәселесі сөз болды
«Қазақстан теміржолшысы» газетінің тілшісі
«KAZLOGISTICS» ҚКО өкілдері «ҚТЖ» ҰК»АҚ филиалы «Автоматтандыру және цифрландыру дирекциясы», «ҚТЖ-Жүк тасымалы» ЖШС, «KTZH Express» АҚ басшыларымен кездесіп, теміржол көлігін автоматтандыру және цифрландыру мәселелерін талқылады.
Қазіргі уақытта инновацияларды, цифрлық және IT шешімдерді әзірлеу және енгізу тек Қазақстанда ғана емес, бүкіл әлемде көліктегі және логистикадағы ең өзекті мәселе болып отыр. Сондықтан бұл кездесу болашақтың сын-қатерлерін тиімді шешуге қабілетті заманауи, тұрақты және инновациялық теміржол жүйесін құру мақсатында барлық мүдделі тараптардың кең диалогы мен бірлескен күш-жігерінің бір бөлігі болып табылады. Кездесу қорытындысы бойынша хаттама жасалып, бизнес-қоғамдастықтың қатысуымен қайта жиналыс жоспарланды.