Қазақстан темір жолында деректерді беру желісі жаңғыртылуда
ҚТЖ мен Huawei ынтымақтастық шеңберінде деректерді берудің корпоративтік желісін жаңғырту бойынша жұмыстар жүргізуде. Заманауи жабдықтар орнатылуда, деп хабарлайды Rail-news.kz.
Бүгінгі таңда магистральдық тораптарды іске қосу-жөндеу жұмыстары жүргізілуде.
Желілік инфрақұрылым объектілерін жаңғыртудың арқасында бизнес-қосымшалар мен ҚТЖ сервистері арасында деректерді беру жылдамдығы жоғарылап, орталық және өңірлік бөлімшелер арасындағы байланыс арналарының өткізу қабілеті артады және ақпараттық қауіпсіздік жақсарады.
“ҚТЖ” ҰК” АҚ Бас есептеу орталығының мамандары атап өткендей, мұның бәрі ҚТЖ ақпараттық сервистерінде жұмыс істеу кезінде жүк алушылар мен жүк жөнелтушілер үшін көрсетілетін қызметтердің сапасына оң әсерін тигізеді. Бұдан басқа, деректерді берудің корпоративтік желісін жаңғырту бизнес-процестерді одан әрі цифрландыру, инновациялық және заманауи ИТ-шешімдерді енгізу үшін негіз болады.