Орысбай Мейірхан Бекжанұлы
![](https://rail-news.kz/uploads/2022/11/30/8ZveJ11HIa2KOSTTyXwuvvS7oR5XGyRWNos8fVuh.jpg)
Орысбай Мейірхан Бекжанұлы
Жамбыл ТЧЭ-31 локомотив бригадасының машинист-нұсқаушысы
Менің тұлға ретінде қалыптасуыма әрі дамуыма көптеген жағдайлар әсер етті. Ата-анам үлгі болды, балалық шақтан берілген тәрбие, мектептегі оқу, білімге деген құштарлығым –осының барлығы бүгін мақтан тұтатын мамандығымды таңдауыма себеп болды.
![](https://rail-news.kz/uploads/2022/11/30/1-ywl0tg.jpg)
Машинист көмекшісі болып жұмыс істегеннен кейін локомотив бригадаларының машинист-нұсқаушысы болып тағайындалып, жас мамандармен жұмыс істедім, оларға бар білген тәжірибеммен бөлістім.
Құрметке лайық адамдардың қатарынан біздің кәсіпорын басшысын – білікті де сезімтал басшымызды атап өтуге болады. Ол еңбек жолын төменнен бастап, бірте-бірте теміржолшы мамандығы бойынша тәжірибе жинақтап, басшылық қызметке тағайындалған. Осындай адамдардың қалыптасу тарихына сүйсінемін әрі оларды үлгі тұтамын. Жас маман ретінде бай тәжірибе жинап, мұнымен тоқтап қалмай, алға ұмтылғым келеді.
![](https://rail-news.kz/uploads/2022/11/30/2.jpg)
Жұмыстан бос уақытымда бар назарды отбасыма аударғанды жөн көремін, балаларыммен жұмыс істеп, ата-анама көмектесемін. Менің әуестігім – нұсқаушы-жүргізуші мамандығы бойынша өзімді жетілдіру.
![](https://rail-news.kz/uploads/2022/11/30/3.jpg)
Жаңадан жұмысқа орналасуға келген маманға бір ғана кеңесім бар – жұмыс істеп, таңдаған ісіңе жаныңды салу. Егер бұл жұмыс сіздің көңіліңізден шықпаса, онда қайта ойланып, басқа нұсқаны таңдаған дұрыс.