Биыл солтүстік өңір бойынша 207,5 шақырым темір жол күрделі жөндеуден өтті

Инфрақұрылым
26.10.2021, 11:12
Райхан Рахметова

«Қазақстан теміржолшысы» газетінің тілшісі

ҚТЖ ұлттық компаниясының сенімді серіктесі болып табылатын «Теміржол жөндеу» мердігерлік компаниясы солтүстік өңірде биылғы жылдың соңғы жұмысына нүкте қойды. Яғни, межеленген күрделі жөндеу толықтай аяқталып, жоспар 120 пайызға асыра орындалды, деп хабарлайды Rail-news.kz. Таратып айтсақ, соңғы нүкте – солтүстіктегі Сарыоба-Еркіншілік теліміндегі 19,11 км жол күрделі жөндеуден өтіп, жаңа келбетке ие болды. Телімде Астана жол машиналары станцияларының жұмысшылары «Теміржол жөндеу» ЖШС теміржол құрылысы және жөндеу бойынша директоры Қайрат Ақпаровтың жетекшілігімен 12 сағаттық технологиялық толаскез алып, ластанған балласты тереңнен қазып, тазарта отырып, 1500 метр көлеміндегі су жаңа темірбетон рельс торкөздерін салды. Жалпы серіктестіктің үш тоқсандағы жұмыс қорытындысына келсек, келісімшарт бойынша 172,3 км жол күрделі жөндеуден өтуі тиіс болса, нақтысында 207,5 км жол жөндеуден өтіп, жоспар 120% орындалып отыр. Соның ішінде, Ақтөбе ЖМС 70 км жуық жолға күрделі жөндеу жүргізсе, Астана ЖМС – 54,8 км, Бірлік ЖМС – 48,3 км жолға, ал Шар өндірістік учаскесі 35 шақырымға жуық жолға күрделі жөндеу жүргізген. Сондай-ақ, 167,5 км жолдың рельстері жаңа ұзынөлшемді түйіспесіз иіндермен алмастырылса, 509 мың текше метр жолдың қиыршық тастары балласталып, нығайтылды. «Теміржол жөндеу» компаниясының жұмысшылары өз міндеттерін абыроймен атқарып шықты. Біз барлық жұмысшыларға өнімді де адал еңбектері үшін алғысымызды білдіреміз. Ұжым ұйымшыл болғанда, алынбас қамал, бағындырмас белес жоқ», – деді мердігер компания басшысы Қайрат Ақпаров. Осы ретте, Магистральдық желі дирекциясында қабылданған өндірістік бағдарлама шеңберінде жүзеге асырылып жатқан теміржолдарды сауықтыру, жаңғырту және жаңалау шараларының басты мақсаты – негізгі транзиттік бағдарларды өткізу қабілеттілігін ұлғайтумен қатар жолаушылар және жүк пойыздарының қозғалыс қауіпсіздігін сақтай отырып, олардың жылдамдығын ұлғайтуға бағытталып отырғанын атар едік. Жұмыстар үстіміздегі жылдың сәуір айында оңтүстік өңірде басталған еді. Жолдарға күрделі жөндеу арнайы әзірленген жобалық-сметалық құжаттамаға сәйкес екі тәсілмен жүргізілуде. Оның бірі SMD-80 техникасының көмегімен балласты тазалай және үстінен толықтыра отырып, шпалдарды ауыстыру, сонымен қатар RM-80, ХДВ, ЭЛБ, ВПО-3000, Duomatic, DGS, PBR машиналарының кешенін қолдана отырып, рельстерді түйіспесіз рельс иіндеріне ауыстыру болса, екінші тәсіл, жаңағы ауыр машиналар кешені мен УК25/9-18 кранын пайдалана отырып, рельстерді, шпалдар мен балластарды тұтастай алмастыру болып отыр. Жүрістің бір қалыпты болуын қамтамасыз ету үшін ПРСМ рельс дәнекерлеу машинасын қолдана отырып, учаске блогына дейінгі түйіспесіз рельс иіндеріне дәнекерлеу жұмыстары жүргізілуде.

Цифрландыру
18.04.2024
Көлік министрлігі мен ҚТЖ цифрлық теміржол платформасын құрмақ
Жаңалықтар
18.04.2024
ҚТЖ Алматы-Атырау бағыты бойынша қосымша пойыз тағайындады
Жаңалықтар
17.04.2024
"Самұрық-Қазына" тобы су тасқынына қарсы күреске 15 млрд теңге бөледі
Әлемде
17.04.2024
Alstom Венгриядағы зауытын модернизацияламақ
Инфрақұрылым
17.04.2024
Теміржолда жоспарлы тексеру жүріп жатыр
Әлемде
17.04.2024
Локомотивтер эволюциясы: паровоз алыптарынан қазіргі жүрдек пойыздарға дейін
Жүк тасымалы
17.04.2024
Теміржол көлігімен жүк тасымалдау көлемі 70,7 млн тоннаны құрады
Жүк тасымалы
17.04.2024
ҚХР-ға теміржол арқылы жүк экспорты өсті
Жаңалықтар
16.04.2024
ҚТЖ-да "Солтүстік - Оңтүстік" көлік маршрутының перспективалары талқыланды
Жаңалықтар
16.04.2024
Теміржолшылар жемқорлыққа қарсы мәселелер бойынша оқудан өтті
Темір жол тарихы
16.04.2024
Қазақстан темір жолына 120 жыл. Қызықты деректер
Жаңалықтар
16.04.2024
Жамбыл локомотив депосы KZ8A электровозымен толықты
Спорт
16.04.2024
Вагон шаруашылығында ұлттық спорттан жарыс өтті
Аймақтар
16.04.2024
«Таза Қазақстан» экологиялық акциясына зейнеткерлер де атсалысты
Спорт
16.04.2024
«Ұмтылfest»: үміткерлер іріктелуде
Әлеумет
16.04.2024
Семейлік теміржолшылар 65 тонна гуманитарлық жүк жөнелтті
Қауіпсіздік
16.04.2024
Қауіпсіздік айлығы: Астана вагон пайдалану депосында төрт айда 36524 пойыз қаралды
Жаңалықтар / Мұрағат
16.04.2024
«Қазақстан теміржолшысы» газеті, №33 16 сәуір 2024 жыл
Жаңалықтар
15.04.2024
ҚТЖ арнайы техниканы су тасқыны болған аймақтарға жеткізуді жалғастыруда
Жаңалықтар
15.04.2024
Жыл басынан бері 4,7 млн тоннадан астам мұнай өнімі тасымалданды