ҚТЖ транзиттік және экспорттық тасымалдарды дамытуға 1,1 триллионнан астам теңге бағыттайды
ҚТЖ транзиттік және экспорттық тасымалдарды одан әрі дамыту үшін бірқатар жобаларды іске асыруда. Бұл туралы «New Silk Way» V Конференциясының «Теміржол логистикасы» тақырыбындағы панельдік сессия барысында «ҚТЖ-Жүк тасымалы» ЖШС Бас директоры Владимир Петров айтты, деп хабарлайды Rail-news.kz.
Атап айтқанда, Қытаймен шекарадағы өткізу қабілетін едәуір арттыратын Достық – Мойынты учаскесі екінші жолдарының құрылысы жоспарланған.
Алматы торабын айналып өтетін айналма темір жол құрылысы транзиттік жүк ағынын қысқа маршрутқа ауыстырады және Алматы торабын орта есеппен 30-40%-ке төмендетеді. Сондай-ақ Қытаймен үшінші шекара өткелін - Бақты-Тэчен және Аягөз-Бақты темір жол учаскесін салу мәселесі қарастырылуда.
Бұл жобаларды іске асырудың болжамды құны 1,1 триллионнан астам теңгені құрайды.
Сонымен қатар, локомотив паркін жаңарту бағдарламасы аясында 500-ден астам заманауи жүк және жолаушылар локомотиві сатып алынды.
2029 жылға дейін 100 пайыздық қарыз қаржыландырумен жалпы құны 1,2 трлн теңге болатын тағы 450 локомотив жеткізу жоспарлануда.