Қызылорда станциясындағы жаяу жүргіншілер көпірі жарықтандырылды

Қызылорда станциясындағы жаяу жүргіншілер көпіріне Қызылорда жол дистанциясы еңбеккерлерінің шаруашылық есебінен әрі өз күштерімен электр шамы орнатылды.  

Аймаққа танымал теміржолшы Марат Оңалов басқаратын Қызылорда жол дистанциясының теміржолшылары 1955 жылы салынған бұл көпір түрлі ағымдық күтім жұмыстарының нәтижесінде теміржолдың екі бетіне орналасқан тұрғындардың пайдасына жарап келеді. Дегенмен жол дистанциясының теңгеріміне енгізілген көпірден түн мезгілінде өтетін жолаушылардың қозғалысына қолайсыздық тудырған, осылайша жүргіншілердің ұсынысы ескеріліп көпір жарық шамымен қамтамасыз етілді.

Дистанциялықтардың қажырлы да қарымды әрекеттерінің нәтижелі болуы үшін салалық әріптестеріне сұрау салынып, тапсырыс берілген. Сұралған тапсырысты Алпамыс Сағымов басқаратын Қызылорда электрмен жабдықтау дистанциясының электрмен жабдықтаушылары қол ұшын беруге келісім беріп участок басшысы Еркебұлан Жақсылықов пен электромонтерлер Ермек Райханов, Мақсат Бақытбектер жүргіншілер мен жолшылардың сұранысын іске асырды.

– Біздің дистанцияға берілген тапсырысты қанағаттандыру мақсатында Қызылорда станциясындағы жаяу жүргіншілер көпіріне электр шамы орнатылды. Түн мезгілінде көпірдан өткен жүргіншілерге көпір тепкішектері анық әрі жарық болып көрінуі үшін қуаты жоғары жарық шамы биік бағанаға бекітілген шамға жалғанды. Бізбен бірге Қызылорда жол дистанциясының көпір бригадасының тобы жұмыс істеді. Мұнан кейін бұл көпірдің түнгі уақытта жарықпен қамтылуы төңірегінде мәселе туындамайтын болады, себебі жарықтандыру жұмыстары барлық техникалық қауіпсіздік талаптары шеңберінде орындалды, – деді көпірді жарықтандыру жұмыстарын жасаған участок басшысы Еркебұлан Жақсылықов.