Алдағы үш жылда 1,3 мың шақырым теміржол салынады

Инфрақұрылым
19.01.2023, 12:00

Таяу үш жылда елімізде 1,3 мың шақырым теміржол салынады. Бұл туралы Премьер-Министр Әлихан Смайылов Индустрия және инфрақұрылымдық даму министрлігінің кеңейтілген алқа отырысында айтты, деп хабарлайды Rail-news.kz.

Алқалы жиында Үкімет басшысы еліміздің көлік саласын дамыту барысына тоқталып өтті. Оның айтуынша, Қазақстанды «транзиттік хаб» ретінде қалыптастыруға ерекше басымдық беріліп отыр. Қазіргідей геосаяси жағдайда оның өзектілігі арта түсуде.  

«Қазақстанның көлік жүйесін халықаралық дәліздермен интеграциялау бізді аймақтағы негізгі транзиттік мемлекет ретіндегі позициямызды сақтауға мүмкіндік береді. Транзиттік және экспорттық мүмкіндіктерімізді әртараптандыруға мүмкіндік беретін Транскаспий халықаралық көлік бағдары мен «Солтүстік-Оңтүстік» дәлізі негізгі бағдар саналады», – деді Әлихан Смайылов алқа отырысында.

Ақтау мен Құрық теңіз порттарын кешенді дамыту жұмыстарын тездету қажеттігін айтқан премьер-министр «Ақтау теңіз порты» АЭА базасында көліктік-логистикалық хаб құруды жандандыруды баса айтты.

Сондай-ақ ол Қазақстанның транзиттік-көлік әлеуетін одан әрі дамыту үшін ҚТЖ-ны ұлттық көлік-логистикалық компанияға трансформациялау жұмыстарын сапалы жүргізу қажеттігін жеткізді.  

«Өткен жылдың қарашасында «Достық-Мойынты» теміржолы учаскесінің екінші жолының құрылысы басталды. 2026 жылға дейін «Алматы станциясының айналма жолы», «Дарбаза-Мақтаарал», «Бақты-Аягөз» жобаларын аяқтау жоспарланған. Таяу үш жылдың ішінде 1,3 мың шақырым теміржол салынады. Осы негізгі инфрақұрылымды теміржол жобаларын жүзеге асыруды жеделдету қажет», – деді Ә. Смайылов.

Үкімет басшысы сонымен қатар тұтынушылар тарапынан жиі сынға ұшырайтын теміржолдың жылжымалы құрамын жаңарту мәселесі өзекті болып отырғанын жеткізді. Әсіресе, вагондар мен локомотивтерді жаңарту бойынша жұмыстар жүргізу қажеттігін айтты.  

Үкімет басшысы сондай-ақ жыл соңына дейін отандық теміржол машинасын дамытудың кешенді бағдарламасын әзірлеуді тапсырды.

Жиын барысында елдегі автожолдардың жай-күйі де сөз болды. Смайылов жолдардың көбі жөндеуді қажет ететінін айта келе онда үнемі жол апаты болып, адамдар опат болып жатқанын жеткізді.

«Жөнделген жолдардың сапасы сын көтермейді, жөнделген учаскелерде проблемалар қайта пайда болып жатыр. Бұл жұмыстар халық үшін емес, жолшыларға бола жасалатындай. Бұл мәселені ерекше бақылауға алу керек», – деді үкімет басшысы.  

 

Жаңалықтар
31.01.2023
Мас екі жолаушы әйел пойыздан түсіріліп, айыппұл арқалады
Жаңалықтар
31.01.2023
ҚТЖ компаниясы HR-менеджерлердің құзыретін арттыруға ден қойып отыр
Әлеумет
31.01.2023
ҚТЖ қызметкерлердің жалақысын көтеруді жоспарлап отыр
Жолаушылар тасымалы
31.01.2023
"Жолаушылар тасымалы" АҚ билетсіз жүретіндерге бақылауды күшейтті
Қауіпсіздік
31.01.2023
2022 жылы теміржол өткелдерінде 26 жол-көлік оқиғасы тіркелген
Жаңалықтар
31.01.2023
Техникалық сабақ өткізудің маңызы зор
Аймақтар
31.01.2023
Шу белгі беру дистанциясы жақсы көрсеткішке қол жеткізді
Қауіпсіздік
31.01.2023
Пойыздардың қозғалысына нұқсан келтіретін жайттар 11%-ға кеміген
Мұрағат
31.01.2023
«Қазақстан теміржолшысы» газеті, №7 31 қантар 2023 жыл
Жаңалықтар
30.01.2023
Маңғыстау қосалқы бөлімінде кітап көрмесі ұйымдастырылды
Жаңалықтар
30.01.2023
Петропавлда отандық вагондар шығарыла бастады
Қауіпсіздік
30.01.2023
Машинистер жол бойындағы келеңсіздіктің алдын алуға барынша тырысуы керек – Прокуратура
Әлеумет
30.01.2023
«Нұрлы жол» вокзалы мүгедектігі бар жандар үшін қолайлы бола түспек
Жаңалықтар / ҚТЖ келбеті
30.01.2023
Ардагер – тоқсан жаста
Жаңалықтар
29.01.2023
Елдің мазасын алған жолаушы пойыздан түсірілді
Әлеумет
28.01.2023
Әлеуметтік жобаға қолдау көрсетілуде
Жаңалықтар
27.01.2023
ҚТЖ басшысы Президентпен кездесті
ҚТЖ келбеті
27.01.2023
Құрметті теміржолшы Алик Досанов алпыс жасқа толды
Қауіпсіздік
27.01.2023
Пойыздардың терезесін таспен атқылау әлі де кездеседі – желілік полиция
Аймақтар
27.01.2023
Қазалыдағы станция жолдарына санитарлық тазалық жүргізілді