«Теміржолсу» АҚ темір жол көлігі жүйесінің 100-ден астам нысанын жөндеді
«Теміржолсу» АҚ 2022 жылы «ҚТЖ» ҰК» АҚ желісі бойынша станциялар мен разъездерде теміржол көлігі объектілерін сумен және жылумен жабдықтау жүйелерінің тұрақты жұмыс істеуін қамтамасыз етті, деп хабарлайды Rail-news.kz.
Мәселен, Достық станциясында апатты жағдайда тұрған орамішілік жылу және су құбыры жүйесі желілерінің 10,8 км күрделі жөндеуден өтті. Бұл жылыту кезеңінде 78 тұрғын үйді үздіксіз жылумен қамтамасыз етті.
111 теміржол вокзалында жылыту жүйелерін жуу және сығымдау жүргізілді. 21 вокзалда 1 км астам инженерлік желілерді ішінара ауыстыра отырып, жөндеу жұмыстары жүргізілді.
«Теміржолсу» АҚ қызметкерлері Екібастұздағы төтенше жағдай кезінде жылумен жабдықтаудың зақымдануын жоюға белсенді қатысты. 15 бригаданың күшімен қалалық тұрғын үй қорының 10 көппәтерлі үйінде сумен және жылумен жабдықтау желілері және «ҚТЖ» ҰК» АҚ 15 объектісінде жылу желілері толық қалпына келтірілді.
Бұдан басқа, «ҚТЖ» ҰК» АҚ кәсіпорындарында қызметкерлердің әлеуметтік-тұрмыстық жағдайларын жақсарту шеңберінде «Теміржолсу» АҚ іс-шаралар кешенін өткізді. Локомотив және жол шаруашылығының 64 ғимараты мен құрылыстары жөнделді. 300 қызметтік-техникалық үй-жайларды (тамақтану және жылыту бөлмелері, душ, киім-кешек бөлмелері және т.б.) жаңарту бойынша жұмыстар орындалды. Электр монтаждау жұмыстары, ішкі үй-жайлар мен қасбеттерді әрлеу жүргізіліп, сантехникалық құрылғылар, терезелер, есіктер, төбе жабындары ауыстырылды. Жылы едендер орнатылып, ішкі және сыртқы инженерлік желілерді жылыту жүйелері жөнделді және т. б шаруалар да атқарылды.
«Теміржолсу» АҚ – «ҚТЖ» ҰК» АҚ еншілес ұйымы, шалғайдағы теміржол станциялары мен разъездерінде сумен жабдықтау, су бұру және жылумен жабдықтау қызметтерін ұсынады.