Жеті бастама жалғасын табады

Инфрақұрылым
12.02.2024, 14:22
Сұлугүл Бакесова

«Қазақстан теміржолшысы» газетінің тілшісі

Магистральдық желі дирекциясы өткен жылы 7 стратегиялық бастамаға бастамашылық жасап, оларды іске асыруға шаралар қабылдаған. Олардың дені  ұзақ мерзімді қамтитын болғандықтан, биыл да, алдағы жылдары да жалғасын табатын көрінеді. Бүгін біз дирекция мамандары алға тартқан деректерге сүйеніп, осы бастамаларға, олардың тиімділігіне жеке-дара тоқталмақпыз.  

Бірінші бастама бойынша қолданыстағы теміржол инфрақұрылымының өткізу қабілетін 2029 жылға дейін арттыру бағдарламасы әзірленген. Бағдарлама 184 теміржол станциясын дамытуды, 2 814 км автоблоктауды енгізуді, 338 км екінші және айналма жолдарды салуды көздейді. Бірінші кезеңде басымдыққа ие іс-шаралар жүзеге асқан. Атап айтқанда, Қызылжар станциясын дамыту бойынша жобалық-сметалық құжаттама (ЖСҚ) әзірленіп, жолдың үстіңгі құрылымын төсеу жұмыстары аяқталған. Ақсу-1 станциясы бойынша жер төсемі дайындалып, эстакада кеңейтілген. Сонымен қатар Қостанай станциясының Солтүстік паркінің 10 жолы және Шеңгелді станциясы бойынша 5 жол қалпына келтіріліп, сондай-ақ, ЖСҚ әзірлеу үшін жобалық топ құрылыпты.  

Екінші бастама, теміржол инфрақұрылымы нысандарының тозуы мен моральдық тұрғыдан ескірген техникалық құралдарды пайдалану деңгейінің жоғары екенін ескере отырып, 2029 жылға дейін магистральдық теміржол желілерінің нысандарын жаңғырту және дамыту бағдарламасы жасалған. Бұл бағдарламаны дирекция мамандары Көлік және логистика академиясымен бірлесе отырып әзірлеген екен. Онда активтердің ағымдық жағдайы, нысандарды  жөндеу және күту сценарийлері жасалып, жаңа теміржол желілерін салу және жаңғырту қарастырылған. Бағдарламада көзделген іс-шараларды жүзеге асыру үшін тартылатын инвестиция көлемі 8 трлн теңгені құрайды. Алайда, аталған бағдарламаның іске асуы теміржол инфрақұрылымының, ең алдымен транзиттік бағыттардағы резервтік өткізу қабілетін жедел қамтамасыз етуге мүмкіндік бермек.  

Үшінші бастама 2023-2029 жылдар аралығында темір жолдарды жөндеу бойынша өндірістік бағдарлама әзірлеуге арналған. Оның шеңберінде 11 мың км теміржолға  жөндеу жүргізу межеленген. Былтыр осы бағдарлама аясында 1443 км жол жөнделіп, нәтижесінде бекітілген қозғалыс жылдамдығын сақтауды қамтамасыз етумен қатар жолаушылар пойыздары үшін жылдамдықты 657 шақырымда, Тальго жолаушылар пойыздары үшін 581 шақырымда, жүк және контейнерлік тасымалдар үшін 605 және 481 шақырымдарда арттыра түскенін айтар едік. Десек те, қозғалыс қауіпсіздігін бұзу оқиғаларының төмендегеніне қарамастан, өткен жылы рельстердің сынып кетуі көп болуына байланысты жұмыста қиындықтар туындағаны белгілі болып отыр. Әрине, оларға жасалған талдау жұмыстары, сынып кету оқиғаларының дені  ауа температурасының күрт төмендеуі кезінде болғанын және де аталған бұзушылық фактілерін жасыруға жол бермеу мақсатында былтыр жарияланған жұмысшыларды жазалауға мораторий енгізуімен байланысты көп анықталған.  

Осыған байланысты дирекция жолды диагностикалау орталығымен бірлесе отырып  рельстердің мұндай сыну жағдайларын болдырмау үшін 2024 жылға арналған тиісті іс-шаралар әзірлеп, оның ішінде жекелеген технологиялық процестерді қайта қарау және жол қозғалысы қауіпсіздігін бұзу жағдайларын жасырғаны үшін басшылардың жауапкершілігін арттыруды  қарастыруда.  

Дирекцияның төртінші бастамасы жол және қалпына келтіру жұмыстарына арналған заманауи техника сатып алу бағдарламасы бойынша  ауқымды жұмыс атқарылды. Жылжымалы құрамды және ауыр жүк көліктерін жаңарту мақсатында әзірленген бағдарлама шеңберінде былтыр 4 млрд теңгеден астам сомаға 5 техника сатып алынса, биыл 197 бірлік техниканы сатып алу көзделінуде екен.  

Магистральдық желі дирекциясы өндірістік бағдарламаларды іске асырумен қатар  санитарлық-тұрмыстық жағдайды жақсартуға және еңбекті ұйымдастыру деңгейін арттыруға көп көңіл бөлуде. Сол себепті дирекцияның бесінші бастамасы еңбек жағдайын жақсарту, тағысын тағы мәселелерге арналған.

Мәселен, шалғай елді мекендерге барып жұмыс істейтін дистанция жұмысшыларын  орналастыру үшін барлық қажетті инженерлік желілер қосылған модульдік ғимараттар сатып алынған. Жол жұмысшыларының қысқа мерзімді демалуы үшін контейнерлер жылу пункттеріне ыңғайластырылып, жабдықталған. Бұдан бөлек, жұмысшылар мен қажетті құрал-жабдықтарды жұмыс орнына жеткізу үшін көліктер сатып алынған. Сонымен қатар қол еңбегінің үлесін азайту және өндірістік процестерді жеңілдету мақсатында шағын көлемді механикаландыру құралдары сатып алынса, тұрмыстық және өндірістік үй-жайларға қолайлы еңбек жағдайларын жасау шеңберінде жиһаздар мен тұрмыстық техникалар, ал желілік және өңірлік  бөлімшелердің әкімшілік-басқару персоналының кабинеттерін жабдықтау үшін оргтехникалар алынған. Жалпы, дирекция тарапынан 2023 жылы Санитарлық-тұрмыстық жағдайды жақсарту және еңбекті ұйымдастыру деңгейін арттыру бағдарламасына 19,1 млрд теңге бөлініпті.  

Алтыншы бастама ғимараттарды жөндеу бағдарламасын жүзеге асыруға арналған. Оның шеңберінде өткен жылы көлемі 59 мың м² құрайтын 208 өндірістік және әкімшілік ғимараттарға ағымдық жөндеу жұмыстары жүргізілген.  

Ал жетінші бастама, Компанияның басты құндылығы қызметкерлерінің еңбек қауіпсіздігін сақтауға бағытталған. Дирекция мамандары алған тартқан деректерге сүйенсек, өткен жылы 2022 жылғы 8 жағдаймен салыстырғанда 7 жазатайым оқиға тіркелген. Алайда, өнеркәсіптік қауіпсіздік деңгейінің жалпы жақсара бастағанына қарамастан, өкінішке орай, адам өлімімен аяқталған екі жазатайым оқиға орын алыпты. Сол себепті Дирекция 2024 жылды «Еңбек қауіпсіздігі және технологиялық процесті сақтау жылы» деп жариялады. Осыған байланысты «Еңбек қауіпсіздігі – 2024-2027 жылдарға арналған өндірістегі басты басымдық» бағдарламасы әзірленіп отыр.  

 

Жүк тасымалы
19.09.2025
Рудный қаласында «ҚТЖ» ірі жүк жөнелтушілермен көшпелі кеңес өткізді
Жолаушылар тасымалы
19.09.2025
Жаңа кезеңге нық қадам
Трансформация
19.09.2025
Кәсіподақ басшылығы диагностика орталығы жұмысымен танысты
Аймақтар
19.09.2025
Сапалық көрсеткіштер орындалды
Жолаушылар тасымалы
19.09.2025
ҚТЖ жазда 4 млн-нан астам жолаушы тасымалдады
Аймақтар
19.09.2025
Вокзалдардың құрылыс сапасы бақылауда
ҚТЖ келбеті
19.09.2025
Адал еңбек – ардың ісі
Жаңалықтар / Мұрағат
19.09.2025
Қазақстан теміржолшысы газеті, №76 19 қыркүйек 2025 жыл
Аймақтар
18.09.2025
Көкшетауда Құрметті теміржолшы Мұратбек Тілеуленовпен кездесу өтті
Жаңалықтар
18.09.2025
Теміржолшылар экологиялық акцияны белсенді қолдады
Жүк тасымалы
18.09.2025
Қазақстаннан Қытайға өсімдік майының пилоттық партиясы жеткізілді
Цифрландыру
18.09.2025
Германия теміржолға 5G желісін енгізуде
Жаңалықтар
18.09.2025
Қарағандыда жүк пойызынан дизель ұрлаған қылмыстық топ ұсталды
Жаңалықтар
18.09.2025
Алматыда оқыту семинары өтті
Жолаушылар тасымалы
17.09.2025
Адамдар неге пойызбен жүруді жөн санайды?
Жолаушылар тасымалы
17.09.2025
Тағы қай бағыттың пойыздары Starlink интернетіне қосылатыны айтылды
Әлемде
17.09.2025
Калифорнияда сутекпен жүретін алғашқы пойыз іске қосылды
Жаңалықтар
17.09.2025
ALT университетінде ҚТЖ басшыларына арналған «Үздіктер алаңы» бағдарламасы басталды
Жүк тасымалы
17.09.2025
Қостанай өңірінен темір жолмен астық тасымалдау 20%-ға артты
Жаңалықтар
17.09.2025
Теміржолшылар қалдықтарды сұрыптау жолдарын үйренді