Жеті бастама жалғасын табады

Инфрақұрылым
12.02.2024, 14:22
Сұлугүл Бакесова

«Қазақстан теміржолшысы» газетінің тілшісі

Магистральдық желі дирекциясы өткен жылы 7 стратегиялық бастамаға бастамашылық жасап, оларды іске асыруға шаралар қабылдаған. Олардың дені  ұзақ мерзімді қамтитын болғандықтан, биыл да, алдағы жылдары да жалғасын табатын көрінеді. Бүгін біз дирекция мамандары алға тартқан деректерге сүйеніп, осы бастамаларға, олардың тиімділігіне жеке-дара тоқталмақпыз.  

Бірінші бастама бойынша қолданыстағы теміржол инфрақұрылымының өткізу қабілетін 2029 жылға дейін арттыру бағдарламасы әзірленген. Бағдарлама 184 теміржол станциясын дамытуды, 2 814 км автоблоктауды енгізуді, 338 км екінші және айналма жолдарды салуды көздейді. Бірінші кезеңде басымдыққа ие іс-шаралар жүзеге асқан. Атап айтқанда, Қызылжар станциясын дамыту бойынша жобалық-сметалық құжаттама (ЖСҚ) әзірленіп, жолдың үстіңгі құрылымын төсеу жұмыстары аяқталған. Ақсу-1 станциясы бойынша жер төсемі дайындалып, эстакада кеңейтілген. Сонымен қатар Қостанай станциясының Солтүстік паркінің 10 жолы және Шеңгелді станциясы бойынша 5 жол қалпына келтіріліп, сондай-ақ, ЖСҚ әзірлеу үшін жобалық топ құрылыпты.  

Екінші бастама, теміржол инфрақұрылымы нысандарының тозуы мен моральдық тұрғыдан ескірген техникалық құралдарды пайдалану деңгейінің жоғары екенін ескере отырып, 2029 жылға дейін магистральдық теміржол желілерінің нысандарын жаңғырту және дамыту бағдарламасы жасалған. Бұл бағдарламаны дирекция мамандары Көлік және логистика академиясымен бірлесе отырып әзірлеген екен. Онда активтердің ағымдық жағдайы, нысандарды  жөндеу және күту сценарийлері жасалып, жаңа теміржол желілерін салу және жаңғырту қарастырылған. Бағдарламада көзделген іс-шараларды жүзеге асыру үшін тартылатын инвестиция көлемі 8 трлн теңгені құрайды. Алайда, аталған бағдарламаның іске асуы теміржол инфрақұрылымының, ең алдымен транзиттік бағыттардағы резервтік өткізу қабілетін жедел қамтамасыз етуге мүмкіндік бермек.  

Үшінші бастама 2023-2029 жылдар аралығында темір жолдарды жөндеу бойынша өндірістік бағдарлама әзірлеуге арналған. Оның шеңберінде 11 мың км теміржолға  жөндеу жүргізу межеленген. Былтыр осы бағдарлама аясында 1443 км жол жөнделіп, нәтижесінде бекітілген қозғалыс жылдамдығын сақтауды қамтамасыз етумен қатар жолаушылар пойыздары үшін жылдамдықты 657 шақырымда, Тальго жолаушылар пойыздары үшін 581 шақырымда, жүк және контейнерлік тасымалдар үшін 605 және 481 шақырымдарда арттыра түскенін айтар едік. Десек те, қозғалыс қауіпсіздігін бұзу оқиғаларының төмендегеніне қарамастан, өткен жылы рельстердің сынып кетуі көп болуына байланысты жұмыста қиындықтар туындағаны белгілі болып отыр. Әрине, оларға жасалған талдау жұмыстары, сынып кету оқиғаларының дені  ауа температурасының күрт төмендеуі кезінде болғанын және де аталған бұзушылық фактілерін жасыруға жол бермеу мақсатында былтыр жарияланған жұмысшыларды жазалауға мораторий енгізуімен байланысты көп анықталған.  

Осыған байланысты дирекция жолды диагностикалау орталығымен бірлесе отырып  рельстердің мұндай сыну жағдайларын болдырмау үшін 2024 жылға арналған тиісті іс-шаралар әзірлеп, оның ішінде жекелеген технологиялық процестерді қайта қарау және жол қозғалысы қауіпсіздігін бұзу жағдайларын жасырғаны үшін басшылардың жауапкершілігін арттыруды  қарастыруда.  

Дирекцияның төртінші бастамасы жол және қалпына келтіру жұмыстарына арналған заманауи техника сатып алу бағдарламасы бойынша  ауқымды жұмыс атқарылды. Жылжымалы құрамды және ауыр жүк көліктерін жаңарту мақсатында әзірленген бағдарлама шеңберінде былтыр 4 млрд теңгеден астам сомаға 5 техника сатып алынса, биыл 197 бірлік техниканы сатып алу көзделінуде екен.  

Магистральдық желі дирекциясы өндірістік бағдарламаларды іске асырумен қатар  санитарлық-тұрмыстық жағдайды жақсартуға және еңбекті ұйымдастыру деңгейін арттыруға көп көңіл бөлуде. Сол себепті дирекцияның бесінші бастамасы еңбек жағдайын жақсарту, тағысын тағы мәселелерге арналған.

Мәселен, шалғай елді мекендерге барып жұмыс істейтін дистанция жұмысшыларын  орналастыру үшін барлық қажетті инженерлік желілер қосылған модульдік ғимараттар сатып алынған. Жол жұмысшыларының қысқа мерзімді демалуы үшін контейнерлер жылу пункттеріне ыңғайластырылып, жабдықталған. Бұдан бөлек, жұмысшылар мен қажетті құрал-жабдықтарды жұмыс орнына жеткізу үшін көліктер сатып алынған. Сонымен қатар қол еңбегінің үлесін азайту және өндірістік процестерді жеңілдету мақсатында шағын көлемді механикаландыру құралдары сатып алынса, тұрмыстық және өндірістік үй-жайларға қолайлы еңбек жағдайларын жасау шеңберінде жиһаздар мен тұрмыстық техникалар, ал желілік және өңірлік  бөлімшелердің әкімшілік-басқару персоналының кабинеттерін жабдықтау үшін оргтехникалар алынған. Жалпы, дирекция тарапынан 2023 жылы Санитарлық-тұрмыстық жағдайды жақсарту және еңбекті ұйымдастыру деңгейін арттыру бағдарламасына 19,1 млрд теңге бөлініпті.  

Алтыншы бастама ғимараттарды жөндеу бағдарламасын жүзеге асыруға арналған. Оның шеңберінде өткен жылы көлемі 59 мың м² құрайтын 208 өндірістік және әкімшілік ғимараттарға ағымдық жөндеу жұмыстары жүргізілген.  

Ал жетінші бастама, Компанияның басты құндылығы қызметкерлерінің еңбек қауіпсіздігін сақтауға бағытталған. Дирекция мамандары алған тартқан деректерге сүйенсек, өткен жылы 2022 жылғы 8 жағдаймен салыстырғанда 7 жазатайым оқиға тіркелген. Алайда, өнеркәсіптік қауіпсіздік деңгейінің жалпы жақсара бастағанына қарамастан, өкінішке орай, адам өлімімен аяқталған екі жазатайым оқиға орын алыпты. Сол себепті Дирекция 2024 жылды «Еңбек қауіпсіздігі және технологиялық процесті сақтау жылы» деп жариялады. Осыған байланысты «Еңбек қауіпсіздігі – 2024-2027 жылдарға арналған өндірістегі басты басымдық» бағдарламасы әзірленіп отыр.  

 

Жаңалықтар
11.03.2025
ҚТЖ-да өткелдердегі бейнеталдау жүйелерінің сынағы аяқталды
Жаңалықтар
11.03.2025
Теміржол төсемінен жоғары барлық су қоймалары мен бөгеттер зерттелді
Әлемде
11.03.2025
RailPulse серіктестігі Wabtec өндірісіндегі борттық датчиктерді сертификаттады
Жүк тасымалы
11.03.2025
2024 жылы Сиань терминалы транзитті 276 мың тоннаға дейін арттырды
Аймақтар
11.03.2025
Соғыс кезінде теміржол салған атыраулық кейуана 100 жасқа толды
Жолаушылар тасымалы
10.03.2025
Автожолдың жабылуына байланысты 300-ден астам жолаушы пойызбен жеткізілді
Жолаушылар тасымалы
10.03.2025
Қолайсыз ауа-райына байланысты пойыздарда қосымша орындар ұйымдастырылды
Жаңалықтар
10.03.2025
Көлік министрі Екібастұз қаласындағы күрделі жөндеуден өткен теміржол вокзалына барды
Жолаушылар тасымалы
09.03.2025
Еліміздің пойыздарында 8 наурыз мерекесіне орай әйелдерге сыйлықтар табысталды
Жолаушылар тасымалы
08.03.2025
Темір жол саласында 1,6 мыңнан астам әйел жолсерік және касса қызметінде еңбек етеді
ҚТЖ келбеті
08.03.2025
Жауапкершілік жүгі жеңіл емес
ҚТЖ келбеті
08.03.2025
Аина және оның командасы
ҚТЖ келбеті
08.03.2025
Отбасында қалыптасқан қасиет
ҚТЖ келбеті
08.03.2025
Қолөнерші диспетчер
Жүк тасымалы
07.03.2025
"KTZ Express" БАӘ мен Үндістанға газет қағазын жіберді
Спорт
07.03.2025
Локомотившілер топ жарды
ҚТЖ келбеті
07.03.2025
Тағдыр сынағына сынбаған...
ҚТЖ келбеті
07.03.2025
Ең әдемі тауар кассирі
Қауіпсіздік
07.03.2025
Теміржол бойында қараусыз жайылған мал көбейді
Аймақтар
07.03.2025
Айгүлдің тілегі