Павлодар магистральдық желі бөлімшесінің инфрақұрылымын дамыту жалғасуда
Павлодар магистральдық желі бөлімшесі пойыздар қозғалысы қауіпсіздігін арттыруға, қызмет көрсету сапасын жақсартуға және заманауи технологияларды енгізуге бағытталған жобаларды іске асыра отырып, темір жол инфрақұрылымын жақсарту бойынша белсенді жұмысты жалғастыруда, деп хабарлайды Rail-news.kz.
Негізгі бағыттардың бірі жаңа материалдарды қолдана отырып, жол төсеміне күрделі жөндеу жүргізу болды. Барлығы 31,45 км жол жаңартылды. Сонымен, Бозшаол-Улента аралығында тақ жолда 12,05 км рельс ауыстырылды. Тасқұдық – Спутник аралығында ұзындығы 19,4 км жрлға күрделі жөндеу жүргізілді.
Темір жолдарының беріктігін арттыру үшін биылғы жылы рельсті тіректерді ауыстыру жұмыстары жүргізіліп, жолдарды орташа жөндеу жұмыстары қарқынды жүргізілді. Рельсті тіректерді ауыстыру жоспары 7,9 км құрады. Бұл міндет ОП-116 – Шідерті аралығында толығымен орындалды. Жолдарды қарқынды-орташа жөндеу де жақсы нәтиже көрсетті: жоспарланған 4 км орнына Қалқаман және Екібастұз-1 станцияларындағы жұмыстарды қоса алғанда, 6,31 км орындалды.
2024 жылы қозғалыс қауіпсіздігін арттыруға бағытталған Жол инфрақұрылымын жаңарту бағдарламасы маңызды элемент болды. Осы бағдарлама аясында темірбетон арқалықтарын пайдалана отырып, 64 бағыттамалық бұрма жиынтығы орнатылды, бұл жолдың пайдалану сипаттамалары мен сенімділігін айтарлықтай жақсартады. Сондай – ақ, Екібастұз-Ерейментау учаскесінде байланыс желісін жаңарту орындалды, оның ішінде байланыс аспасының 12,65 км көтергіш тросын ауыстыру, бұл электрмен жабдықтаудың сенімділігін арттырды.
Биылғы жылдың ең маңызды жетістіктерінің бірі Павлодар бөлімшесін Alstom компаниясы шығарған 88 Р80 бағыттаушы электр жетектерімен жабдықтау болды. Бұл құрылғылар ең аз техникалық қызмет көрсетуді қажет ететін жоғары сенімділік пен беріктікке ие, сонымен қатар 180 км/сағ дейін жоғары жылдамдықта жұмыс істей алады.Бағыттаушы электр жетектерінің қызмет ету мерзімі 20 жыл, бұл теміржолдардағы қауіпсіздікті едәуір жақсартуға және жолаушылар мен жүктерге қызмет көрсету сапасын жақсартуға ықпал етеді.