Үкіметте теміржол саласындағы бастамалар талқыланды
Қазақстанның Премьер-министрі Олжас Бектенов көлiк және логистикалық инфрақұрылымды дамыту мәселелерi бойынша отандық кәсiпкерлермен кездесу өткiздi. Отырысқа салалық министрлiктер мен мемлекеттiк ұйымдар басшылары да қатысып, автомобиль, теміржол, су және авиация көлігі салаларындағы өзекті мәселелерді талқылады, деп хабарлайды Rail-news.kz.
Кездесу барысында бизнес өкiлдерi салаға жеке инвестиция тарту, инфрақұрылымдық жобаларды iске асыру, сондай-ақ әкiмшiлiк кедергiлердi жою мәселелерiн көтердi.
«Конкурент-Б» ЖШС бас директоры Бақытбек Қадыров теміржол инфрақұрылымын дамыту үшін жеке инвестицияларды тарту қажеттігін атап өтіп, экономикалық өсімге әлеуеті жоғары өңірлерде жаңа теміржол бағыттарын салу жөнінде ұсыныс айтты. Олжас Бектенов бұл бастаманы қолдап, Көлік министрлігіне 1 наурызға дейін инвестицияларды қайтару тетіктері бойынша нақты ұсыныстар әзірлеуді тапсырды.
Үкімет «Атамекен» ҰКП-мен бірлесе отырып, бизнес пен мемлекеттік органдар арасындағы серіктестікті нығайту арқылы ел экономикасын тиімді дамытуға бағытталған жұмыстарды жалғастырады.