Стратегиялық маңызы бар бекеттердегі жөндеу жұмыстары
«Қазақстан теміржолшысы» газетінің тілшісі
«ҚТЖ-Жүк тасымалы» ЖШС бойынша биыл бекітілген ағымдағы жөндеу жоспары аясында 21 нысанды жаңарту қарастырылған. Мақсат – өндірістік инфрақұрылымды жаңарту, қауіпсіздік деңгейін арттыру және қызметкерлердің еңбегі мен демалысына неғұрлым қолайлы жағдай жасау.
Компанияның негізгі объектілерінде жөндеу жұмыстары қазіргі заманғы және жайлы жұмыс ортасын құру жөніндегі стратегияны іске асырудағы маңызды кезең болады. Өндірістік инфрақұрылымды жаңарту бағдарламасы әлеуметтік-тұрмыстық жағдайларды жүйелі жақсартуға және қауіпсіздік стандарттарын нығайтуға бағытталған. Аталған іс-шараларды іске асыру персоналдың еңбек және демалыс жағдайларын едәуір жақсартуға, өндірістік тәуекелдерді азайтуға және ұжымдарда қолайлы ахуал қалыптастыруға мүмкіндік береді.
Санитарлық-тұрмыстық және өндірістік аймақтарды жаңғырту ұжымның көңіл-күйіне шынайы қамқорлық көрсету тәсілі ретінде де қарастырылады. Сайып келгенде, инфрақұрылымды сапалы жаңарту барлық көлiк желiсiнiң тұрақты жұмысы үшiн iргетас жасай отырып, жүк тасымалдарының тиiмдiлiгi мен сенiмдiлiгiнiң өсуiн қамтамасыз етедi.
Осы жылы жұмыс ауқымы кең, желінің стратегиялық маңызды учаскелерін қамтиды. Атап айтқанда, жаңарту негізгі өндірістік және тұрмыстық алаңдарға қатысты болатын Бейнеу және Сексеуіл станцияларында жоспарланған. Алматы өңіріндегі инфрақұрылымның сенімділігін арттыруға ерекше назар аударылады: Алматы станциясында тракциялық жолдарға күшейтілген орташа жөндеу жүргізіледі, бұл үздіксіз маневрлік жұмысты қамтамасыз етуге және қозғалыс қауіпсіздігін арттыруға мүмкіндік береді. Бұл 2025 жылы табыс ты іске асырылған ауқымды әлеуметтік бағдарламаның жалғасы болып табылады. Естеріңізге сала кетейік, өткен жылы күрделі жөндеуден өткен 15 нысан пайдалануға берілген болатын. Арқа, Есіл, Отар, Бейнеу, Матай, Атбасар, Достық, Ганюшкино, Қызылжар, Ағадыр, Атырау, Сағыз және Орал станцияларындағы локомотив бригадаларының 13 демалыс үйі жаңартылды. Сондай-ақ Астана қаласының локомотивтерге техникалық қызмет көрсету пунктінде және Есіл станциясы депосының кеңсесінде жұмыстар аяқталды.
Қарағанды-Сұрыптау станциясында техникалық қызмет көрсету пунктінің заманауи технологиялық ғимараты салынып жатыр, оны тапсыру 2026 жылдың бірінші жартыжылдығына жоспарланған. Бұдан басқа, күрделі жұмыстардың қарқынды кезеңі Тобыл станциясының тепловоз депосында, ТО-2 және ТО-3 цехтарында, сондай-ақ Көкшетау, Мойынты және Қандыағаш станцияларының қызметтік-тұрмыстық корпустарында жалғасуда.