Құрық портындағы жаңғырту: өткізу қабілеті өсті
«Құрық порты» ЖШС КӨК-1 және КӨК-2 көтергіш-өтпелі көпірлерін жаңғыртуды сәтті аяқтады, деп хабарлайды Rail-news.kz.
Бұл қадам логистикалық процестерді едәуір жеделдетуге және жүктерді өңдеуді оңтайландыруға мүмкіндік берді. Бұл порт инфрақұрылымын дамытудың және паромдарды өңдеу тиімділігін арттырудың маңызды кезеңі болды.
Жаңғырту шеңберінде көпірлердің пайдалану мүмкіндіктері кеңейтілді, бұл теміржол паромдарын өңдеу уақытын 18-ден 12 сағатқа дейін, ал автомобиль паромдарын өңдеу уақытын10-нан 6 сағатқа дейін қысқартуға мүмкіндік берді.
Іске асырылған техникалық шешімдер теміржол паромдарының сыйымдылығын 40-тан 48 вагонға дейін арттырды, бұл порттың тасымалдау көлемі мен өткізу қабілетін арттыруға мүмкіндік берді.
Инфрақұрылымды жаңарту Құрық портының Транскаспий халықаралық көлік бағдарындағы (ТХКБ) стратегиялық торап ретіндегі ұстанымын нығайтады және Қазақстан Республикасының транзиттік әлеуетін іске асыру үшін жаңа мүмкіндіктер ашады.