Көлік бағдарларын дамытуға арналды
Ағымдағы жылдың 11 маусымында Бакуде өткен «Көлік, Транзит және Логистика (TransCaspian/Translogistica») халықаралық көрмесі шеңберінде «Транскаспийлік халықаралық көлік бағдары» атты конференцияға ҚТЖ өкілдері де қатысты.
«Бір белдеу – бір жол: даму келешегі» бастамасы» конференциясының сессиясына «Қазақстан темір жолы» ҰК» АҚ Басқармасы төрағасының логистика жөніндегі орынбасары Павел Соколов қатысып, көліктіклогистикалық қызметтердің сан түрлі спектрінде қызмет көрсетіп, еліміздің көлік әлеуетін дамыту бойынша мемлекеттік стратегияны жүзеге асырып отырған «Қазақстан темір жолы» ұлттық компаниясының қызметі туралы баяндап берді.
Оның айтуынша, Қазақстанда қалыптасқан инфрақұрылым – халықаралық Шығыс-Батыс, Солтүстік-Оңтүстік, ТРАСЕКА – Транскаспийлік халықаралық көлік бағдары (ТХКБ) (Middle Corridor) көлік дәліздері бойынша тасымал көлемін өсіруге мүмкіндік беріп отыр. Осы ретте, қытайлық «Бір белдеу – бір жол» бастамасымен тоғысатын «Нұрлы жол» қазақстандық бағдарламасының табысты іске асырылуы транзитті дамытуға қолайлы жағдайлар жасауда. Сонымен қатар жүк ағынын тарту және қолданыстағы инфрақұрылым тиімділігін қамтамасыз ету үшін пойыздарды оңтайлы және шапшаң өткізу бойынша шаралар қабылдануда.
Ұлттық компанияда көліктіклогистикалық шығындарды оңтайландыру, тасымалды ұйымдастыру, көрші мемлекеттердің теміржолдарымен, жүк жөнелтушілерімен, тариф саясаты мәселелері бойынша логистикалық провайдерлермен өзара әрекет етуге ерекше көңіл бөлінген.
Стратегиялық ынтымақтастықтың жарқын көрінісі ретінде, Транскаспийлік халықаралық көлік бағдарына қатысушылармен бірлесе жұмыс істеуді атар едік. Қазақстан аумағы арқылы Еуропадан Қытайға кері тауар ағынын ұлғайту және Middle Corridor-дың бәсекеге қабілеттілігін арттыру үшін төмендетілген коэффициенттер белгіленген.
ҚТЖ өзінің инфрақұрылымын және халықаралық көлік дәліздерінің мүмкіндіктерін пайдалана отырып, транзиттік тасымал өсімін қамтамасыз ету, төменгі шығынмен қазақстандық өндірушілердің өнімдерін экспорттау, клиентке бағдарланған деңгейді арттыру үшін сервисті кеңейту бойынша жұмыстар жүргізуде.