Көліктік бақылау күшейтілмек
«ҚТЖ» ҰК» АҚ-ның ақпараттық жүйесін қолдану арқылы ҚР Индустрия және инфрақұрылымдық даму министрлігі темір жол көлігіндегі қозғалыс қауіпсіздігіне бақылауды күшейту мәселесін көтерді.
Бұл туралы таяуда ҚР Индустрия және инфрақұрылымдық даму вице-министрі Берік Камалиевтің төрағалығымен өткен көліктік бақылау саласындағы сыбайлас жемқорлық тәуекелдерін болдырмау үшін ұсыныстар әзірлеу жөніндегі жұмыс тобының екінші отырысы кезінде айтылды. Отырысқа «ҚТЖ» ҰК» АҚ, Мемлекеттік қызмет істері және сыбайлас жемқорлыққа қарсы іс-қимыл агенттігі, ІІМ, Қаржы министрлігі, "Атамекен" ҰКП, сондай-ақ салалық қауымдастықтардың өкілдері қатысты.
Жолаушылар пойыздарында билетсіз жүретіндерді анықтау бойынша мәселелер талқыланған жиында, сонымен қатар аталған жүйемен жұмыс сыбайлас жемқорлық тәуекелін төмендету арқылы кәсіпкерлерді тексеру санын қысқартуға мүмкіндік беретіні сөз етілді. Осылайша ҚР ИИДМ көліктік бақылауды толығымен қашықтықтан басқару түріне өтуді жоспарлауда. Отырыс барысында автожолдардың жекелеген учаскелерінде салмақ габаритін өлшеудің автоматтандырылған станцияларын құру арқылы көліктік бақылаудың қашықтықтан басқару нысанына толықтай көшу туралы мәселе де қаралды. Сондай-ақ, шағын өлшемді кемелерді қауіпсіз пайдалануды қамтамасыз ету бойынша мемлекеттік бақылау және қадағалау функцияларын басқа уәкілетті мемлекеттік органдарға беруді қосымша талқылау туралы шешім қабылданды.