Электр құрылғыларының күтімі жақсы

Инфрақұрылым
06.12.2019, 12:51
Сабырхан Сейілбекұлы

Қызылорда облысы бойынша меншікті тілші

Қызылорда электрмен жабдықтау дистанциясының Шиелі станциясындағы аудандық электр жүйесі мекемесі бөлімшенің оңтүстігінде орналасқан. Ол Түркістан мен Майлытоғай станциялары арасындағы екі жүзден астам шақырымдық телім бойындағы теміржол нысандары мен жергілікті тұрғындарды электр қуатымен қамтиды.

Шиелі ауданаралық электр жүйесі ұжымы жыл басынан бергі он айда және қазан айында телімдердегі КТСМ-02, СОБ және АЛСН құрылғыларын қуат көзімен қамтамасыз ету және электр бағаналары ВЛ-10 кВ, РП, ТП, ВЛ-0,4кВ, КТП, ЦРП, РПК, РПП 10кВ секілді құрылғыларға ағымдық, техникалық күтім шараларын жүргізу және пойыз қозғалысының қауіпсіздігін сақтау жұмыстарын кінәратсыз, ақаусыз аяқтаған. Бекеттегі аудандық электриктердің атқарған жұмысы жайлы мәлімет ұсынған ұжым басшысы Алмат Үмбетов дистанция басшылығы бекіткен шаралардың дер кезінде орындалуда екенін жеткізді. Бөлімшенің оңтүстігіндегі теміржол нысандарын электр қуатымен жабдықтаушылардың жұмысын тарқатып айтар болсақ, онда олардың барлық тапсырмаларды кәсіби деңгейде атқарғанын байқауға болады. Ұжым электриктері осы уақыт ішінде белгіленген АЭЖ бойынша жоспарлауескерту жұмыстарын орындау барысында СОБ құрылғысының ВЛ-10кВ желісінің 203,79 шақырымына қазан айында, 3248,07 шақырымына он айда техникалық күтім жасаған. Электр бағанасының 1328 данасын бақылаудан өткізу тапсырылса, бүгінде оның 1126 данасы тексерілген. Жоғары кернеулі желілерге, автобұғаттаудың әуе өтпелеріне техникалық күтім жасау ауқымын анықтау үшін инженерлі-техникалық жұмыс тобымен (ИТР) бірге СОБ құрылғысы ток көздерінің ВЛ-10кВ желісінен қазан айында 100,8 шақырымын, он айда 876,69 километрі тексеріліп, бақылаудан өткізілген. Қазан айында 82 бағана түзетіліп, бандаждары тартылса, он айда осы жұмыс 135 бағана басында орындалған. 106 ағаш бағананың салмақ және сыртқы әсерден өзгеріске ұшырап иілуі тексерілген.

– Шиелі АЭЖ бойынша жоспарлау-ескерту шараларының, электр құрылғыларына техникалық күтімін жасау жұмыстарының орындалуы бекітілген жоспар бойынша атқарылып келеді. Күнделікті жұмыс топтары телім бойын тексеріп, бақылауда ұстауда. Құрылғыларға техникалық күтім жұмысымен қатар ағымдық баптау, ВЛ-10кВ, РП, ТП, КТП желілері мен құрылғыларына жөндеу жұмыстары жасалды. Мәселен, қазан айында Жоғары кернеулі ВЛ-10кВ желісінің 10 км мен 6 бағанасы тексерілсе, он айда 120,53 шақырымы мен 108 бағана бақылаудан өтті. Электр желілері трассасының қазан айында 100 шаршы метрі, 36 бағананың айналасы өскіннен тазартылды. 132 бағананың нөмірі мен қауіпсіздік белгісі жаңартылды, – дейді Шиелі АЭЖ басшысы Алмат Үмбетов. Телімдердегі электр құрылғыларын техникалық тексеріс барысында жоғары ВЛ-04кВ электр бағаналары желісінің 8,3 км қазанда, 53,78 шақырымы он айда тексерілген. Қазан айында ВЛ-04кВ желісінің 12 дана бағанасына, он айда 115 дана тіреуіші ревизиядан өткен. Осы желінің қазан айында 5-еуі, он айда 24 дана бағанасы түзетілсе, 27 бағананың бандажы тартылған.

ТҰТЫНУШЫҒА ЭЛЕКТР ҚУАТЫНЫҢ ІРКІЛІССІЗ, ҚАЖЕТТІ НОРМАДА ЖЕТКІЗІЛУІ ҮШІН ҰЖЫМДА ҚҰРЫЛҒЫЛАРҒА ҚОСЫМША АҒЫМДЫҚ КҮТІМ ЖАСАУ ШАРАЛАРЫН САПАЛЫ АТҚАРУ – ҰЖЫМДАҒЫ ҚАЛЫПТАСҚАН БАЙЫРҒЫ ДӘСТҮР


Шиелі станциясында орналасқан электрмен жабдықтаушылардың мемлекет мүлкін өз затындай күтіп ұстап, оларға уақытылы техникалық күтім жасап, ағымдық жөндеу жұмыстарын сапалы жүргізетіндері байқалады. Және де тұтынушыға электр қуатының іркіліссіз, қажетті нормада жеткізілуі үшін ұжымда құрылғыларға қосымша ағымдық күтім жасау шараларын сапалы атқару – ұжымдағы қалыптасқан байырғы дәстүр. Жалпы алғанда, ұжымның әрбір мүшесі өзінің кәсіби міндетін кемшіліксіз атқаруға дағдыланған. Осындай талапқа мойынсұнған шиеліліктер мекемеге берілетін тапсырмалардың дер уақытында және сапалы орындалуы үшін еңбек етіп келеді. Қызылорда электрмен жабдықтау дистанциясының Шиелі АЭЖ ұжымы темірбетонды және ағаш электр бағаналарының, құрылғылардың техникалық жағдайын тексеріп, байқау, теміржол өткелдеріндегі жарықтандыру шамдарына күтім жасау шаралары тәулікпен санаспай жүргізіледі. Сонымен қатар желі изоляторларын жаңарту, электр желілерін ауыстыру, тартып байлау, траверс ауыстыру және электр қуатының таратылуына кедергі келтіретін аумақтағы ағаш бұтақтарын кесу, бағаналардың түбін от шалмас үшін отап тазарту секілді жұмыстар жыл бойы атқарылады.

– Ұжымдағы ағымдық, техникалық, жөндеу жұмыстарының сапалы жүргізілуіне тәжірибелі теміржолшылардың үлесі мол. Олардың атқарған жұмысын бақылағанда барлық істің талап деңгейінде орындалғанына көз жеткізуге болады. Біздің ұжымдағы осындай өз ісінің шеберлері – атын атап, жеке құрмет көретуге лайық тұлғалар. Олар – аға электромеханик Бейбіт Каменов, электромеханиктер Мақсұт Садуақасов, Қуандық Сағындықов, Алмас Қылышбаев, Бесарық қосынынан электромеханик Жәнібек Биқожаев, Жаңақорған қосынынан электромеханик Ұлықбек Өтегенов, – дейді ұжым басшысы Алмат Үмбетов.

Жаңалықтар
28.03.2024
Қазақстан «Солтүстік – Оңтүстік» дәлізін дамытуда көрші елдермен ынтымақтасуға дайын – Тоқаев
Аймақтар
28.03.2024
Әз-наурыз қасиет дарып, құт қонған Түркістанда өтті
Аймақтар
28.03.2024
Берекелі мереке
Инфрақұрылым
28.03.2024
Аққұм – Талап учаскесінде күрделі жөндеу басталды
Аймақтар
28.03.2024
Достық станциясында «Қыз сыны» байқауы өтті
Аймақтар
28.03.2024
Атырауда Наурыз мейрамы жалпыхалықтық сипат алды
Жаңалықтар
28.03.2024
KTZ Express және Chengdu International Railway Port Investment & Development Co Ltd келіссөздер жүргізді
Жаңалықтар
28.03.2024
Ұлттық дәстүр ұлықталған күн
Жаңалықтар
28.03.2024
Қытайлық серіктестермен ынтымақтастық перспективалары талқыланды
Жаңалықтар
27.03.2024
Қауылжыр станциясында пойыздар қозғалысы қалпына келтірілді
Жаңалықтар
27.03.2024
Теміржолдағы су тасқыны жағдайы күнделікті бақылауда
Жаңалықтар
27.03.2024
Батыр Котырев ҚТЖ корпоративтік омбудсмені болып тағайындалды
Жолаушылар тасымалы
26.03.2024
Көктемгі мереке күндері 860 мыңнан астам жолаушы ҚТЖ пойыздарын пайдаланды
Аймақтар
26.03.2024
Қазалы теміржолшылары сенбілік өткізді
Жаңалықтар
26.03.2024
Екі елдің кәсіподағы бас қосты
Инфрақұрылым
26.03.2024
Атырауда жолды күрделі жөндеу жұмыстары басталды
Әлемде
26.03.2024
Қытай сутегімен жүретін пойызын сынақтан өткізді
Жаңалықтар
25.03.2024
Қытай 10 жылда Еуропаға 85 мың контейнерлік пойыз жіберген, оның 80%-ы Қазақстан арқылы өтті
Жолаушылар тасымалы
22.03.2024
Пойызда тұсау кесер рәсімі өткізілді
Жаңалықтар
20.03.2024
ҚТЖ мен Түркістан облысының әкімдігі меморандумға қол қойды