Шымкент электрмен жабдықтау дистанциясы барлық қондырғыларды тексеруден өткізді
Шымкент қаласы бойынша меншікті тілшісі
Шымкент электрмен жабдықтау дистанциясы қозғалыс қауіпсіздігін бұзуға жол бермеу бағытында біраз жұмыс атқарды. Басты назар байланыс желісіне аударылды. Вагон зертханасымен байланыс желісінің параметрлерін өлшеу және көзбен шолып қарап шығу жұмыстары орындалды. Өткен жылмен салыстырғанда балдық баға 0,1 балға төмендеген. Сонымен қатар қашықтықта пойыздар қозға- лысы мен қозғалыс қауіпсіздігін қамтамасыз ету, еңбекті қорғау және жеке нормативтерді орындау мәселелері бойынша ай сайын техникалық-экономикалық кеңестер өткізіліп тұрды. Бұдан бөлек, электрмен жабдықтау құрылғыларының сенімділігін арттыру жөніндегі іс-шаралардың орындалуына бақылау орнатылды. Ай сайын қозғалыс қауіпсіздігін қамтамасыз ету мақсатында ұйымдастыру іс-шаралары жоспарының барлық тармақтары орындалды. Қозғалыс қауіпсіздігінің нашарлауына жол берген цех басшылары тыңдалды.
«Электрмен жабдықтау шаруашылығы құрылғыларының сенімділігін арттыру жоспарына сәйкес, байланыс желісі бойынша 340 км ағымдық жөндеу орындалды. 3000 дана фарфор оқшаулағышына диагностика жасалды. Байланыс желісінің 450 дана тозған тіреуіш ішектерін ауыстырдық. КС-059-1 түйісу қысқыштарын кабельді желіге ауыстырдық. Бес тіректің негізін күшейттік. АБ және ДПР желісіндегі ОМ, ЗНОМ трансформаторларын жөндеуден өткіздік. Осы жылдың алты айында пойыздар қозғалысының қауіпсіздігін бұзу және нормативтің жеке қатысуын орындау бойынша басшылық құрамға 5 тәртіптік жаза (1 сөгіс, 4 ескерту) қолданылды. Ал дистанция қызметкерлеріне 32 тәртіптік жаза (20 сөгіс, 4 қатаң сөгіс, 8 ескерту) жарияланды», – деді Шымкент электрмен жабдықтау дистанциясының басшысы Рауан Сүлейменов.
Биыл жаз айларында «Байланыс сымы – токқабылдағыш» айлығы өткізілді. Айлық аясында токқабылдағыштардың жай-күйін, көмір ендірмелерінің тозуын, токқабыл- дағыштардың байланыс сымына рұқсат етілген басылуын тексеру кестесі жасалды. ТЧЭ өкілдерімен бірлесіп КZ токқабылдағыштарына тексеру жүргізілді. Бекітілген учаскелердің бастықтары байланыс желісінің құрылғыларын қарап, Тальго бойынша сынақтар мен нұсқаулықтарды қабылдады. Тартқыш қосалқы станциялардың бастықтары мен ауысымдық кезекшілері фидерлердің кернеу деңгейін бақылады. Арыс электровоздарының токқабылдағыштарын, бекітілген учаскелер бойынша тексеру арқылы айналма жолдарды тексерудің жүргізілуіне диспетчерлік бақылау орнатылды. Сондай-ақ, Түлкібас-Арыс-Сарыағаш электрлендірілген учаскесі байланыс желісінің параметрлерін тексере отырып, АДМ автомотрисасында бақылау сапарлары ұйымдастырылды.