Атырау теміржолшылары заманауи технологиялардың шарапатын көруде

Сұхбат
15.02.2022, 17:39
Қосұйым Мұқашев

Атырау облысы бойынша меншікті тілші

Атырау магистральдық желі бөлімшесінің өндірістік көрсеткіштері соңғы жылдары көз қуантарлық. Қауіпсіздіктің бұзылуы азайып, жол сапасы артып келеді. Мекеме директорының бірінші орынбасары Жәнібек Жүнтүрбаевпен бөлімшенің бүгінгі ахуалы жайлы әңгімелескен едік.

– Жәнібек Сәуірбайұлы, бүгінгі таңда өңірдегі магистральдық жолдардың, жалпы инфрақұрылымның жай-күйі қалай?

– Атырау магистральдық желі бөлімшесінің жұмысы қанағаттанарлық, 2021 жылды табысты аяқтадық. Қозғалыс қауіпсіздігі ережелерін бұзушылық орын алған жоқ. Әрине, ең бірінші жол сапасына басымдық берілуде. Өткен жылы 55,53 км жолды күрделі жөндеуден өткізіп, жолаушылар пойызының жылдамдығын 60км/ сағ – 120км/сағатқа, жүк тасымалы пойызының жылдамдығын 50км/ сағаттан 100км/сағатқа арттыруға қол жеткіздік. Байланыс-белгі беру, электрмен қамту саласы бойынша да күрделі жөндеу бірқатар ескі желілерді жаңартты. Өкінішке орай, тепловоздарды шұғыл тежеу мен мал басу азаймай тұр, темір жол бойында иесіз жүрген мал көп. Бөлімше бойынша өткен жылы 100-ге жуық мал басу оқиғасы, ал локомотивті шұғыл тежеудің екі жүзден астам жағдайы тіркелген. Филиалдың жол шаруашылығы қызметкерлері күшімен 2021 жылы 100 км көлемінде теміржолға мал өткізбейтін қоршау салынды, оның ішінде ПЧ-9-Аты- рау – 70 км, ПЧ-11-Құлсары – 30 км. Жұмыс желтоқсанға дейін жалғасты.

– Жаңа технологияларды өндіріске енгізуде қандай жетістік- теріңіз бар?

– Маңғыстау-Бейнеу-Оазис-Мақат-Атырау-Ақсарай учаскелерінде ұзындығы 1196 шақырымды құрайтын диспетчерлік орталықтандыру қондырғысы түбегейлі жаңартылды. Нәтижесінде байланыс бұрынғыдан әлдеқайда жақсарып, енбек үдерісінің үдеуіне жағымды ықпал етуде. Талшықты-оптикалық байланыс желісі (ВОЛС) кабелі жүргізіліп, байланыс айтарлықтай жақсарды. Ақпарат беру жеделділігі, әсіресе мәліметтер беру желісі арқылы әлдеқайда артты. Сондай-ақ, барлық аймақ бойынша DX-500 арқылы телефон байланысы орнатылды. Ол арқылы халықаралық сөйлесулер комутатордың қосуынсыз немесе «8» байланыс нөмірінсіз мүмкін болды, яғни сөйлесулер жедел әрі тегін. Ресейдің Астрахань қаласымен шектесетін Ақсарай-2 мемлекетаралық түйіспе пунктінде Қазақстан бойынша экспедиторлардан транзиттік төлемдерді уақытылы алу мақсатында жүк кассирлері мен пойыз қабылдаушыларға арнап автоматтандырылған қосымша жұмыс орындары өз қызметін бастады. Бұл шекарада еңбек ететін қазақстандық теміржолшылар үшін жүйелі жұмыс тәсілі болып табылады.

Сондай-ақ, Бәйтерек және Бек-бике станциялары бойынша да пойыздар және вагондармен атқарылған жұмыстардың мәліметтерін ақпараттық жүйеге мерзімінде өткізу мақсатында станция кезекшісіне арнап қосымша автоматтандырылған жұмыс орындары қамтамасыз етілді. Бұрын қанша вагонның келіп кеткені, станция жұмысына қатысты басқа да мәселелер телефон байланысы арқылы айтылса, енді барлық ақпарат автоматты түрде компьютерде көрініп тұрады. Сағыз станциясынан Ганюшкино станциясына дейінгі жол телімі ВОЛС желісіне қосылып, мұнда да ақпаратты үлкен көлемде және шұғыл беруге жағдай жасалды. Белгі беру және байланыс шаруашылығы бойынша бірқатар учаскелерде қозғалыс қауіпсіздігін қамтамасыз ету үшін жүріп бара жатқан қозғалмалы құрамның техникалық жағдайына автоматты бақылау жасайтын құрылғы (КТСМ) іске қосылды. Атап айтқанда, Құлсары және Атырау дистанцияларында Мақат-Құлсары учаскесі бойынша Бек-Бике разъезінде, Құлсары-Бейнеу учаскесінде Қоркөл станциясында, Атырау-Ақсарай учаскесі бойынша Тұманды мен Д.Нұрпейісова бекеттерінде 7 дана контейнерлік типтегі жаңартылған модульді техникалық құралдар кешені ор- натылды. Мақат, Ақжайық станцияларында «Модернизация ЛАЗ» жобасы аясында желілік-аппаратты залдарда каналдарды нығыздаудың жаңа буынды қолжетімді, заманауи интеллектуалды мултисервистік концентраторға модернизациялау жүзеге асырылды. Атырау электрмен жабдықтау дистанциясы бойынша 2021 жылы Ақжайық, Махамбет, Құлсары станцияларына қозғалыс және еңбек қауіпсіздігіне пайдасы зор 292 дана жарықдиодты лампа салынды. Ал, Аққыстау станциясында жаңа подстанция пайдалануға берілді. Міне, осындай жаңа технологиялар өндірісті жаңартты.

– Бүгінде халықаралық пойыздар қатынасы тоқтап тұр, ол вокзалдар жұмысына кері әсерін тигізбеді ме?

– Жоқ, керісінше, вокзалдарда жолаушыларға қызмет көрсету сапасы өткен жылдарға қарағанда анағұрлым жақсы. Мүмкіндігі шектеулі тұлғаларға барлық мүмкіндіктер қарастырылған. Вокзалдар қазіргі заманға сай технологиялармен қамтамасыз етілген. Ал билет мәселесі бұрынғыдай проблема емес, ол үшін вокзалға келудің де қажеті жоқ, жолаушы билеттерінің электрондық жобасы баршаға қолжетімді. Бірыңғай 105 санды орталықтандырылған анықтама беру жүйесі арқылы кез келген ақпаратты білуге болады.

Жаңалықтар
30.05.2025
Қазақстан мен Конго Республикасы логистика саласындағы ынтымақтастықты талқылады
ҚТЖ келбеті
30.05.2025
Темірден түйін түйген Момын Өтегенов – 95 жаста
Әлеумет
30.05.2025
Болашақ станциясында жаңа ойын алаңы ашылды
Аймақтар
30.05.2025
Арыс теміржол торабы жаңартылған соң вагон айналымы 20 пайызға артты
Спорт
30.05.2025
Теміржолшылар арасында футболдан тартысты турнир өтті
Аймақтар
30.05.2025
Жұмысқа тұрудың жаңа тәртібі
Спорт
30.05.2025
Теміржолшылар зияткерлік пен дәлдікте бақ сынады
Жаңалықтар / Мұрағат
30.05.2025
Қазақстан теміржолшысы газеті, №41 30 мамыр 2025 жыл
Жаңалықтар
29.05.2025
Теміржолшылар өткелдерде профилактикалық жұмысты күшейтті
Жүк тасымалы
29.05.2025
ҚТЖ: Астық экспорты артты
Жолаушылар тасымалы
29.05.2025
Елімізде жаңадан екі электр пойызы іске қосылады
Жолаушылар тасымалы
29.05.2025
Жазда теміржол көлігімен 7 млн жолаушыны тасымалдау көзделіп отыр
Жаңалықтар
29.05.2025
Астанада ALSTOM компаниясының жаңа сервистік орталығының алғашқы тасы қаланды
Жолаушылар тасымалы
29.05.2025
«Сиань–Алматы» бағыты бойынша алғашқы туристік пойыз сапарға аттанды
Әлемде
28.05.2025
Қазақстандық PTC holding компаниясы Грузияда терминал ашпақ
Жаңалықтар
28.05.2025
Астана форумында Транскаспий дәлізін дамыту барысы сөз болды
Жүк тасымалы / Апта саны
28.05.2025
Қазақстан мен Қытай арасындағы теміржол тасымалы 13% ұлғайды
Аймақтар
28.05.2025
Атырауда вагонның бөлшектерін шығаратын жаңа зауыт салынады
Жолаушылар тасымалы
28.05.2025
«Астана – Жезқазған» пойызында қыз бала дүниеге келді
Жаңалықтар
27.05.2025
Теміржолшылар "Велосипед күні" акциясын өткізді