«Тальго» пойызына отырған ресейлік блогер сапары жайлы шолу жасады
808 YouTube каналының жүргізушісі ресейлік блогер қазақстандық Тальго пойызы жайлы әсерімен бөлісті, деп хабарлайды Rail-news.kz.
Видео авторы пойызға отырмас бұрын Алматы-2 вокзалы аумағының тазалығы мен Railways.kz сайтының өте ыңғайлы екеніне тоқталады.
Блогер Алматы-Астана бағытындағы 051 пойызға билет сатып алған (қашықтығы 1200 шақырым), айтуынша рейстің кету және келу уақыты өте қолайлы. Ол пойызды зерттеу үшін екі купеге билет сатып алған, бірі стандартты Тальго Турист, екіншісі люксті Тальго Гранд.
«Алғашқы әсерлер: біріншіден тыныш. Бұл керемет. Екіншіден, өте ыңғайлы. Ең бастысы ештеңе сықырламайды», – деді стандартты купеге шолу жасаған блогер.
Вагонның кемшілігі ретінде ол отырғанда үстіңгі орынға басының тіреліп қалатынын және әжетхана іші тарлық ететінін айтты.
Турист Гранд вагонына өткен авторы «Міне, мынау енді басқалай» деді. Бұл жерде ол купе ішіндегі температураны реттеу құралының барын және купе ішіндегі жуыну кабинкасының барын ерекше атап өтті.