Зияткерлік меншікті қорғау жайы сөз болды

Жаңалықтар

14.04.2017, 10:53

Оқуға 2 мин

«ҚТЖ» ҰК» АҚ Ғылыми-техникалық ақпараттық орталығының кітапханасында «Зияткерлік меншік нысандары және олардың ҚР-да қорғалуы» тақырыбында семинар өтті. Компанияның бас инженері Батыр Котырев пен компанияның техникалық саясат және реттеу департаментінің директоры Талғат Қанатбаев қатысқан шараға бас қосқандар үшін «Ұлттық Зияткерлік меншік институты» РМК мамандары тақырып аясында баяндама жасады. –Өзекті мәселе көтерілуде. Зияткерлік меншік тақырыбындағы дәстүрлі шараларымыз жалғасуда. Өйткені алдымен авторлық құқықтың қорғалуын қамтамасыз етуіміз керек. Бұл алдағы уақытта өнертапқыштық, инновациялық бастамаларды ынталандыру, қолдау үшін өте қажет. Зияткерлік меншікті қорғау біздің компанияда да – ең басымдық берілетін міндеттердің бірі. Себебі ҚТЖ ғылыми зерттеу және сынақтық құрастыру, технология трансферті жұмыстарын жүргізетіні белгілі. Рационализаторлық қызмет жақсы жүргізіледі, сондықтан біз үшін зияткерлік меншік нәтижесіне қатысты құқықтарды басқару жүйесін құру мәселесі қашан да өзекті, – деді бас инженер. Ұлттық компанияға қарасты зияткерлік меншік саласы – өндіретін өнім мен қызмет бойынша бәсекеге қабілеттілікті арттыруға ықпал ететін маңызды факторлардың бірі. Мәселен, 2016 жылы компанияға авторлық құқық нысандарына құқықтарды мемлекеттік тіркеу туралы 3 куәлік берілді. Қоғамның зияткерлік меншікті басқару жүйесі оны басқару органдары, осы мәселеге арналған нормативтік құжаттар және ЗМ нысандарын жасаушылардың моральдық стимулы мен материалдық жүйесінен тұрады. Зияткерлік меншіктің құқықтық қорғалуы компания имиджін көтеріп, экономикалық қауіпсіздігі мен беделін сақтауға мүмкіндік береді. Бұл – сондай-ақ инвестиция тартудың өте мықты құралы. Семинарда баяндалған мәселелер «Өндірістік меншік нысандарына арыз беру талаптары», «ҰЗМИ» РМК-мен өзара ақпараттық ынтымақтастық», «Тауарлық белгілер мен өндірістік үлгілерді тіркеуге арызды қарастырудағы кейбір мәселелер», «Өкім шартына сай өндірістік меншік нысандарына құқық беру», «Өндірістік меншік нысаны ретінде тиімді модель және өнертабыс», Өнертабыс пен тиімді модельдерге тапсырыс беру және құрастырудың жалпы талаптары» деген тақырыптарда болды. Теміржолшылар шара соңында семинардың жүйелі өтуіне қолдау білдірген аталған Ұлттық зияткерлік меншік институты ұжымына алғыс білдірді.

Зияткерлік меншікті қорғау жайы сөз болды

Басқа да жаңалықтар

Қазір оқылуда

Қазақстан теміржолшысы газеті, №78 02 қазан 2026 жыл

Қазақстан теміржолшысы газеті, №79 06 қазан 2026 жыл