«Жолаушылар тасымалы» АҚ басшылығы «Батыс» филиалы ұжымымен кездесті
![](https://rail-news.kz/uploads/2023/06/08/xcuJqYto9pbQZoSI2KMFJiBlLcaCVYVZ63Od5LmD.jpg)
Пойыздағы сервистік қызметтер сапасын арттыру мен жазғы тасымалға дайындығы мәселелері «Жолаушылар тасымалы» АҚ басшылығы мен «Батыс» филиалы пойыз бригадалары және «Вагонсервис» АҚ қызметкерлері, өндірістік персоналымен кездесуінде талқыланды, деп хабарлайды Rail-news.kz.
«Жолаушылар тасымалы» АҚ бас директоры Жәнібек Тайжанов негізгі басымдықтарды атап көрсетті: «Жолаушы пойыздағы сапары кезінде өзін жайлы сезінуі керек. Осыған орай біздің басты мақсатымыз-сервистік қызметтердің сапасын жоғары деңгейге көтеру».
«Жолаушылар тасымалы» АҚ басшысы өндірістік персоналдың еңбек жағдайын жақсартуға ерекше назар аудартты.
Кездесулер «ашық диалог» форматында өтіп, өндірістік және әлеуметтік сипаттағы мәселелер талқыланды.
![](https://rail-news.kz/uploads/attachments/351510133-772822491012739-6815135944024383882-n-6481ad01bccd0.jpg)
Сонымен қатар басшылар билет кассаларының, багаж бөлімшелерінің еңбек жағдайын бағалап, Атырау және Ақтөбе теміржол вокзалдарының өндірістік ғимараттарын аралады. Вагондардың рейс алдындағы технологиялық дайындығын жүргізетін «Вагонсервис» АҚ-ның өндірістік нысандарына барды. Кір жуатын машиналары, центрифугалары, үтіктейтін машиналары бар кір жуатын кәсіпорындарда пойыздарға төсек жайма дайындау процесін егжей-тегжейлі қарап шықты.