Жұмысқа қабылдау: сарапшылар көзқарасы
"ҚТЖ" ҰК" АҚ-да "Жұмысқа жалдау кезінде сыбайлас жемқорлық тәуекелдерін жою жөніндегі шаралар" стратегиялық сессиясы болып өтті. Іс-шараға рекрутинг саласындағы шақырылған сарапшылар мен ұлттық компания департаменттерінің басшылары қатысты. Модератор ретінде "ҚТЖ" ҰК" АҚ адам ресурстарын басқару департаментінің директоры Сәуле Истлеева сөз сөйледі.
Модератор негізгі мақсат: команда мен сыртқы сарапшы-консультанттар күшімен персоналды іздеу және іріктеу кезінде сыбайлас жемқорлық тәуекелдерін болдырмау бойынша Орталық Азияның ірі ұлттық компаниясы үшін стратегиялық шешім әзірлеу екенін атап өтті.
Шақырылған сарапшылардың қатарында "Samruk Business Academy" ЖМ директоры Шолпан Жұмағазиева, «Зерилов и Партнеры» ЖШС рекрутингтік компаниясының бас директоры Рустам Зерилов, "Қазақмыс" корпорациясының оқыту және дамыту департаментінің директоры Людмила Василега, ANCOR компаниясы Астана қаласы бойынша кеңсесінің басшысы Дияра Омарова және басқалар бар.
Компанияда жұмысқа қабылдаудың ағымдағы моделін сыртқы көзқараспен қарау туралы шешім қабылданды және сыбайлас жемқорлық тәуекелдерін жою тәсілдерін әзірлеу, ҚТЖ-дағы персоналды іздеу мен іріктеудің қолданыстағы жүйесін ыдырату, өңірлік және желілік бөлімшелер қызметкерлерінің жауапкершілігін арттыру үшін іздеу және іріктеу саласындағы сарапшыларды шақырды.
Стратегиялық сессия барысында ағымдағы рекрутинг моделінде персоналды жалдау кезінде сыбайлас жемқорлықты жою бойынша "стандартты емес" шараларды қабылдау мәселелері жан-жақты талқыланды. Сондай-ақ, сарапшылар іздеу және іріктеу процесін басқарудың жаңа моделін (жүйелер, процестер, ресурстар, жобаның жол картасы) әзірлеуді қарастырды.