Жамбылда теміржол қозғалысы қайта жанданды

Жамбыл облысында ақтүтек боранның салдарынан жарияланған аумақтық табиғи сипаттағы төтенше жағдайдың салдарын жою бағытында жұмыстар жалғасуда. Бұған ҚТЖ «ЖТ Жамбыл жол бөлімі» және Жамбыл магистральдық желі бөлімшесіне» қарасты барлық мекемелердің қызметкерлері де жұмылдырылған.

Нәтижесінде жолдар қардан тазартылып, «Шу-Отар» учаскесіндегі жолда тұрып қалған 11 жолаушы және 12 жүк пойызы өз бағыты бойынша жөнелтіле бастады.

Атап айтсақ, бүгін таңертеңгі сағат 9.00-де Көктөбе-Бел аралықтарынан 6 пойыз жөнелтілді, оның 3-уі жолаушы пойызы. Көктөбе - Шоқпар-Бел аралықтарында жұп және тақ жолдар бойынша электр энергиясы жоқ.

Төтенше жағдайдың салдарын жою үшін жұмылдырылған қызметкерлер: Көктөбе станциясы бойынша №1255 пойызының астында қар тазалау бойынша 51 адам жұмыс істеді.

Сондай-ақ сағат 06.30 Тараз станциясынан көмекке 117 қызметкерден тұратын №5802 пойыз (0040767; 00040634; 00041244 сынып вагондары) жөнелтілді. Оның ішінде: №51 жол дистанциясынан басшысы М.Мадалиев бастаған 30 адам, №21 электрмен жабдықтау дистанциясынан басшысы К.Сәрсенбеков бастаған 20 маман, №34 белгі беру және байланыс дистанциясынан Ұлақұловтың жетекшілігімен - 20, М.Байдалиев бастаған №35 қалпына келтіру пойызынан – 15, М.Хайпов бастаған №26 жолаушылар тасымалы бөлімінен – 8, М.Юнусов бастаған «РСП – 2» бойынша 15 адам бар. Жалпы 108 қызметкер, 3 жолсерік, 6 басшы жол қозғалысы шектелген аймақтарға жіберілді.

Ал, Сарышаған станциясына жіберілген №5801 пойыз құрамында барлығы 47 қызметкер бар. РСП бойынша - 15 қызметкер Қорағаты-Тәтті аралағындағы жүру жолына, Жиделі станциясына 17 адам қайта жіберілді. 43-тармақ, Алматы-1-тармақ, Көктөбе станциясына 16 қызметкер қонып жатып, қызмет етуде.

Жұмылдырылған техникалар мен күштің арқасында түскі сағат 12.00-ге дейін Көктөбе-Бел аралықтарынан 7 пойыз жөнелтілді, оның 3-еуі жолаушы пойызы (1-т., 21-Т., 3-т., 2208-т., 2880-т., 2316-т., 3402-т.).

Көктөбе-Шоқпар-Бел аралықтарында жұп және тақ жолдар бойынша түске дейін электр энергиясы берілген жоқ.

Қазір Көктөбе станциясы бойынша Алматыдан және РСП-дан келген қызметкерлерді қосқанда 70 адам жұмыс істеуде (үйге түнгі ауысымнан 17 қызметкер жіберілді).

Шу станциясына 117 қызметкерден тұратын №5802 (0040767; 00040634; 00041244 сынып вагондарымен) пойыз келді.

Шу станциясынан Көктөбе станциясына көмекке 20 адам автокөлікпен барды. (10 адам Шу ПШМ, 10 адам ШЧ-35).

Сонымен қатар № 5801 пойыз құрамында барлығы 47 қызметкер Қайраткөл станциясына жеткізілді.

Жиделі-Хантау - Қияхты аралықтарында желдің күшеюіне байланысты Жиделі станциясында 17 адам көмекке қалды. Барлығы 271 адам жұмылдырылған.

Айта кету керек, Шу станциясында жолда қалған жолаушылар мен жолды тазарту жұмыстарына тартылған қызметкерлерге арнап көліктік полиция департаменті, станция, теміржолға қарасты мекемелер мен бөлімдердің қызметкерлері тегін ыстық тамақ ұйымдастыруда. Түскен дейін 4 қазан күріш басып, нан, ыстық шай таратылды.