Мереке күндері пойыз билеттерін қалай сатып алуға болады

Наурызға көптеген қазақстандықтар басқа қалаларға сапар шегуді жоспарлап отыр, сондықтан пойыз билеттері тез сатылып кетеді. 

Ең танымал бағыттар Алматыдан Астанаға, елордадан – Павлодарға, Қарағандыға және Қостанайға. Осыған байланысты Ұлттық тасымалдаушы мереке күндері пойыз билеттерін қалай сатып алуға болатыны туралы кеңестер берді.

Билеттерді алдын ала сатып алыңыздар

Ұлттық тасымалдаушы сапарларды алдын ала жоспарлауды және пойыз билеттерін алып қоюды ұсынады. Қазірдің өзінде наурыз айына билеттерді bilet.railways.kz сайтынан және вокзалдың билет кассаларынан сатып алуға болады.

Билеттерді онлайн сатып алыңыз

Билеттерді bilet.railways.kz сайты арқылы сатып алу кезінде комиссиялар жоқ.

Күту парағын қадағалаңыз

Билеттер саны шектеулі, сондықтан билеттер сататынbilet.railways.kz сайтындағы жаңартуларды қадағалап отыру ұсынылады,мүмкін біреу қайтаруды рәсімдейді, содан кейін билетті «Күту парағы» қызметі арқылы сатып алуға болады, бұл билетті 7 күн бұрын және пойыз жөнелтілгенге дейін 2 сағаттан кешіктірмей тегін сатылымда жол жүру билеттері болмаған кезде сатып алуға мүмкіндік береді. Сіз bilet.railways.kz. сайтындағы«Күту парағында» тұра аласыз сондай-ақ бұл қызметті билет кассасында тегін пайдалануға болады. Бос орын болған жағдайда жолаушы сайттағы жеке кабинетте, сондай-ақ СМС-хабарлама арқылы билетті сатып алу қажеттілігі туралы хабарлама алады.

Кәсіби мамандармен кеңесіңіз

Жолаушылар анықтамалық ақпаратты 1433 тегін нөмірі бойынша, «KTZH_PP_BOT» телеграм-боты және @jolaushylar_tasymaly ресми Instagram-аккаунты арқылы ала алады.