Жамбыл локомотив депосы KZ8A электровозымен толықты

Жаңалықтар
16.04.2024, 12:40
Суретті түсірген автор
Ардақ Үсейінова

"Қазақстан теміржолшысы" газетінің Жамбыл облысындағы меншікті тілшісі

Жамбыл локомотив пайдалану депосының паркі жаңарып жатыр. Былтыр депоға KZ8A маркалы су жаңа 10 электровоз берілді. Асинхронды электр қозғалтқыштары бар екі секциялы жүк электровозы салмағы 9000 тоннаға дейінгі жүк пойыздарын тасымалдай алады.

– KZ8A электровозы экстремалды температурада жұмыс істеуге арналған. Локомотивті жөндеуді жеңілдететін модульдік блоктардан тұрады. Депо паркі толыққан соң, жүк тасымалының көлемі көбейіп, локомотивтің пайдалы жұмысының көрсеткіші өседі деген сенім бар. Ақпан айындағы жүк тасымалының көлемі былтырғымен салыстырғанда аздау. Дегенмен екі айда техникалық жылдамдық артты. Салыстырмалы түрде ақпан айын қоса есептегенде, былтыр орташа локомотив жүрісі 650 шақырым болса, биылғы көрсеткіш 723 шақырымды құрады. Локомотивтің пайдалы жұмысының көрсеткіші 14,56 пайызды құрады. Локомотивтің орташа жүрісі 102,3 пайызға орындалды. Екі айда техникалық жылдамдық – 105, пайдалы жұмысы 102 пайызға жетті, бұл жаман көрсеткіш емес, – дейді «ҚТЖ-Жүк тасымалы» ЖШС – «ЖТ Жамбыл бөлімшесі» Жамбыл локомотив пайдалану депосының бастығы Нұрболат Нұрсейітов.  

Ғасырлық тарихы бар Жамбыл локомотив пайдалану депосы паркінде бүгінде 32 ВЛ80, 10 маневрлік электровозы, 8 тепловоз бар. 752 адам еңбек ететін депода 355 машинист, 294 машинист көмекшісі тер төгуде.  

Локомотив пайдалану депосы Тараз – Арыс аралығындағы – 282, Тараз – Шу бағытындағы 232 шақырымда жолаушылар пойыздарын, ал Тараз – Қаратау жолында – 90, Қаратау – Жаңатас аралығында 87 шақырым жүк пойыздарын, қалған станциялардағы маневрлік қозғалыстардың бәрін қамтамасыз етеді. Бұдан бөлек Жамбыл жеріндегі ірі өндіріс орындарынан шығатын жалпы ұзақтығы 75 шақырымды құрайтын теміржол арқылы жүк тасымалын да жүзеге асырып отыр.  

– Машинистер мен көмекшілердің біліктіліктерін арттыру, еңбек қауіпсіздігі талаптарының сақталуы аса маңызды. Олар кесте бойынша біліктілікті арттыру курстарына жіберіледі. Қазіргі кезде Тараз теміржол көлігі қызметкерлерінің оқу орталығында 14 машинист көмекшісі электровоз және тепловоз машинисі біліктілігін алу үшін оқып жатыр. Былтыр 37 көмекші осы орталықта білім алып, біліктілік деңгейін көтерген болатын. Өткен жылы сондай-ақ Астана қаласындағы оқу орталығына 12 электровоз, 4 тепловоз машинисі, 4 машинист-нұсқаушы, 2 жылдамдықты өлшейтін таспаларды оқитын инженер білімін жетілдірген. Сонымен қатар, деподағы арнайы техникалық кабинетте де күн сайын өндірістік оқыту шебері екі мезгіл кестеге сай сабақ өтеді, – дейді депо бастығы.  

Былтыр Жамбыл локомотив пайдалану депосы дизель отынын пайдалануда 150 тоннаға жуық үнем жасап, жоғары басшылықтың Алғыс хатымен марапатталған.  

 

Жаңалықтар
31.08.2025
ҚТЖ мен Қытай компаниясы «Бақты – Аягөз» теміржолын талқылады
Жаңалықтар
30.08.2025
ҚТЖ мен China COSCO Shipping стратегиялық ынтымақтастықты кеңейтуде
Аймақтар
29.08.2025
Еңбек ұжымының мүддесі бәрінен жоғары
Жолаушылар тасымалы / Инфографика
29.08.2025
Жыл басынан бері ҚТЖ пойыздары 7,8 миллионнан астам жолаушыны тасымалдады
Қауіпсіздік
29.08.2025
Қауіпсіздік ережелерін сақтау қатаң тексерілуде
Әлеумет
29.08.2025
Жеті жүз балаға оқу құралы берілді
Инфрақұрылым
29.08.2025
Ақтөбеде жеті разъездің құрылысы басталды
Аймақтар
29.08.2025
«Қазкөліккәсіп» төрағасы Сыр теміржолшыларын марапаттады
Инфрақұрылым
29.08.2025
Вокзалдар жаңа кейіпке енеді
Аймақтар
29.08.2025
Ақтөбе рельс-арқалық зауыты «Үздік өнеркәсіптік тауар» иегері атанды
Спорт
29.08.2025
Конституцияның 30 жылдығына орай «Қазкөліккәсіп» дартс турнирін ұйымдастырды
Әлеумет
29.08.2025
Жамбыл ЖТ бөлімшесі жаңа оқу жылына 347 балаға қолдау көрсетті
Жаңалықтар / Мұрағат
29.08.2025
Қазақстан теміржолшысы газеті, №70 29 тамыз 2025 жыл
Әлеумет
28.08.2025
Оқушыларға рюкзак тарту етілді
Әлемде
28.08.2025
Ұлыбританияда аккумуляторлы пойыз жаңа рекорд орнатты
Жаңалықтар
28.08.2025
ҚТЖ Сычуань және Чэнду логистикалық компанияларымен келіссөздер өткізді
Әлемде
28.08.2025
Ресейде алғашқы сутекті пойыздың дизайны таныстырылды
Аймақтар
27.08.2025
Жаңа оқу жылы қарсаңында балаларға мектеп құралдары табысталды
Жаңалықтар
27.08.2025
ҚТЖ басшылығы Сычуань провинциясының губернаторымен кездесті
Бейнелер
27.08.2025
Жаңа теміржол Өзбекстанға жүк тасымалын еселемек