ҚТЖ қызметкерлері су тасқыны зардаптарын жоюға белсенді қатысқаны үшін марапатталды

Су тасқыны зардаптарын жоюға ерекше үлес қосқан теміржолшылардың еңбегі ҚР Ішкі істер министрлігінің Алғыс хаттарымен және ведомстволық наградалармен – «Қоғамдық тәртіпті сақтаған үшін» медальдарымен атап өтілді.

ҚТЖ су басқан аумақтардан 21 мыңға жуық адамды тегін тасымалдап, 500 баланы сауықтыру орталықтары мен балалар лагерлеріне жеткізуді ұйымдастырды. Осы мақсаттарға «Жолаушылар тасымалы» АҚ қосымша 113 вагон бөлді.

Авариялық-құтқару жұмыстарын жүргізу үшін Қорғаныс министрлігі, Төтенше жағдайлар министрлігі, Ұлттық ұланның 2,6 мыңнан астам қызметкері теміржол көлігімен тасымалданды. Атырау мен Оралға 1000 бірлік ауыр техника, 1500 тонна қиыршық тас, 5600 тонна қиыршық тас тасымалданды.

Астанада өткен марапаттау рәсімінде Ұлттық ұлан өкілдері ҚР Ішкі істер министрінің орынбасары – Ұлттық ұланның Бас қолбасшысы Еркін Ботақановтың атынан теміржолшыларға дер кезінде көмек көрсеткендері үшін алғыс білдірді. Теміржолшылар су тасқынының зардаптарын жоюға, су басқан аумақтардан адамдарды эвакуациялау бойынша тәулік бойы жұмыс жүргізіп, техника мен гуманитарлық көмекті тасымалдауда аянып қалмады.

Сондай-ақ, еріген суды өткізу бойынша алдын ала дайындықтың арқасында теміржол инфрақұрылымы тасқын кезінде бұзылмағаны, кейбір зардап шеккен аудандарда пойыздар жалғыз қолжетімді көлік түріне айналғаны ерекше атап өтілді.