ҚТЖ-да "Үздіктер алаңы" корпоративтік даму бағдарламасы басталды
"ҚТЖ" ҰК" АҚ - "Теміржол саласы персоналын бағалау және дамыту орталығы" филиалы базасында Магистральдық желі дирекциясының электрмен жабдықтау дистанциясының негізгі қызметкерлері үшін "Үздіктер алаңы" Корпоративтік даму бағдарламасының салтанатты ашылуы өтті, деп хабарлайды Rail-news.kz.
Бағдарламаның ашылуына "ҚТЖ" ҰК" АҚ адам ресурстарын басқару департаментінің директоры Әлихан Қыраубаев қатысып, қазіргі әлемде оқыту мен дамытудың маңызды рөлін және олардың теміржол саласы қызметінің тиімділігіне әсерін атап өтті.
Корпоративтік даму бағдарламасын Адам ресурстарын басқару департаменті Магистральдық желі дирекциясымен бірлесіп қызметкерлердің құзыреттерін дамыту, жеке және командалық тиімділік деңгейін арттыру және компания мамандарының пулын құру үшін әзірледі. Оқытудан өндірістік-техникалық бөлімдердің 25 бастығы және 34 аға энергия диспетчері өтеді.
Бағдарлама шеңберінде интерактивті сабақтар өткізу, жаңа білімді тәжірибелік пысықтау, бейінді сарапшылардан желілік байланыс алу және кері байланыс алу, компанияның сыртқы провайдерлерін де, ішкі жаттықтырушыларын да тарту, Hard, Soft и Digital skills-ті дамыту жоспарланған.
Оқыту электрмен жабдықтау саласындағы ең жаңа технологиялар мен жұмыс әдістерін қамтиды, бұл қызметкерлерге соңғы үрдістер мен инновациялардан хабардар болуға мүмкіндік береді. Қауіпсіздікке ерекше назар аударылады, бұл тәуекелдерді азайтуға және өндірістегі жазатайым оқиғалардың алдын алуға мүмкіндік береді. Сондай-ақ, бағдарлама ресурстарды пайдалануды оңтайландыруға және бүкіл электрмен жабдықтау жүйесінің тиімділігін арттыруға бағытталған.
Даму бағдарламасы екі айға есептелген және аралас форматта өтеді. 2024 жылғы 27 шілдеде практикалық тапсырмалардың қорытындысын шығару және энергетика саласы өкілдерімен панельдік сессия өткізу жоспарлануда.