Қолайсыз ауа райына қарамастан теміржол штаттық режимде жұмыс істеуде

ҚТЖ желісінде еліміздің барлық өңірлерінде поездардың қауіпсіз қозғалысын қамтамасыз ету мақсатында кезекшілікке дайын 280-нен астам қар тазалайтын техника жұмылдырылған, деп хабарлайды Rail-news.kz.

Қолайсыз ауа-райында теміржолшылар үздіксіз тасымалдау процесін ұйымдастыруға барынша күш салады. Теміржол инфрақұрылымын қардан тазарту бойынша  жұмыстар үздіксіз тәулік бойы жүргізілуде.

3-4 қаңтарға қараған түні Ақмола, Қостанай, Павлодар, Абай және Қарағанды өңірлеріндегі темір жолдарды тазарту үшін 11 техника жұмылдырылды. Қазіргі уақытта күндізгі ауысымда 10 бірлік техника жұмыс істеуде.