ҚТЖ-да өткен "Сенімді тұлға"форумына 200-ден астам адам қатысты
ҚТЖ-ның “Теміржол көлігі персоналын бағалау және дамыту орталығы" филиалында жұмысшы кәсіптер жылы аясында 200 жуық қатысушыны, оның ішінде Қазақстанның түкпір-түкпірінен 60 студентті, 26 бейінді орта оқу орындарының 45 оқытушысы мен басшысын, сондай-ақ Білім министрлігінің, Көлік министрлігінің өкілдерін жинаған "Сенімді түлек" форумы өтті. Сарапшылар білім беру сапасы мен түлектерді Қазақстанның теміржол саласына жұмысқа орналастыру мәселелерін талқылады, деп хабарлайды Rail-news.kz.
Атап өтілгендей, еңбек нарығының қазіргі трансформациясы жағдайында теміржол саласына жас білікті кадрлар ағыны қажет. Осыған байланысты саланың жұмысшы мамандықтарының беделін арттыру бойынша жұмыстар жүргізілуде.
ҚТЖ оқу орталығына экскурсия барысында студенттер мен педагогтар компанияның зертханалық сабақтардан бастап нақты теміржол нысандарында тағылымдамадан өтуге дейінгі әртүрлі элементтерді енгізу арқылы практикаға үлкен мән беретініне көз жеткізді. Орталықта ТЭ33А тепловозы мен KZ8A электровозының бірегей тренажерлері, VR технологиялары бар 3D зертханасы, оқу полигоны бар. Заманауи тренажерлер мен симуляторлар оқу процесін нақты жұмыс жағдайларына барынша жақындатады, дағдыларды автоматты түрде атқаруға дейін жетілдіруге және стандартты емес жағдайларға дайын болуға мүмкіндік береді.
Колледж басшыларына компания тиісті сертификаттар ала отырып, ҚТЖ Оқу орталығының қабырғасында студенттерді практикалық оқыту бойынша қызмет көрсетуге дайын екендігі туралы ҚТЖ хабарламасы ұнады.
Теміржолшылар студенттерде заманауи жылжымалы құрамда жұмыс істеу үшін қажетті кәсіби құзыреттіліктер мен дағдыларды қалыптастыруға бағытталған тренажерларда практикалық сабақтарды пысықтай отырып оқыту бағдарламасын әзірледі.
Сондай-ақ, іс-шара аясында ҚТЖ Оқу орталығы мен Ақтөбе көлік, коммуникация, жаңа технологиялар колледжі, сондай-ақ Қарағанды теміржол колледжі арасында теміржол саласы үшін кадрлар даярлаудағы өзара іс-қимыл туралы меморандумға қол қойылды.